حکمرانوں کے ترقیاتی منصوبے غریبوں کیلئے معاشی موت بن گئے ہیں ‘کرپٹ حکمرانوں کا خاتمہ ضروری،ورنہ یہ کالے ناگ کی صورت ملک و قوم کو کھا جائینگے‘حکمران آٹا،بجلی،گیس کھانے کے بعد اب تعلیم کے پیچھے پڑ گئے ہیں ‘دھرنوں کی مخالفت کرنے والے ملک و قوم کے حقیقی دشمن ہیں
منہاج القرآن ویمن لیگ کی مرکزی صدر فرح ناز کا ایگزیکٹو کونسل کے اجلاس سے خطاب
منگل 26 جنوری 2016 22:40
لاہور(اُردو پوائنٹ اخبارتازہ ترین - آئی این پی۔26 جنوری۔2016ء) منہاج القرآن ویمن لیگ کی مرکزی صدر فرح ناز نے کہا ہے کہ حکمرانوں کو عوامی مسائل سے کوئی دلچسپی نہیں،انکے ترقیاتی منصوبے غریبوں کیلئے معاشی موت بن گئے ہیں ۔عوام گیس و بجلی کی بد ترین لوڈ شیڈنگ سیذہنی مریض بن گئے ہیں ۔6ماہ میں لوڈ شیڈنگ کے خاتمے کا اعلان کرنے والے اڑھائی سالہ اقتدار میں عوام کو گیس ،بجلی کی لوڈ شیڈنگ سے نجات نہیں دلا سکے ۔
حکومتی منصوبے عوام کی فلاح و خوشحالی کیلئے ہوتے ہیں لیکن میٹرو بسوں اور اورنج ٹرین منصوبے نے ہزاروں افراد کو بے گھر کر دیا ہے ۔تاجروں کی دوکانیں تباہ کر کے قوم کو بے روزگاری کی دلدل دھکیلا جا رہاہے ۔نالائق حکمرانوں کی نا اہلیوں کی سزاغریب عوام کو مل رہی ہے ،ملکی وسائل کو حکمران طبقہ بے دردی سے لوٹ رہا ہے ۔(جاری ہے)
وہ مرکزی سیکرٹریٹ ماڈل ٹاؤن میں منہاج القرآن ویمن لیگ کی ایگزیکٹو کونسل کے اجلاس سے خطاب کرر ہی تھیں ،اس موقع پر راضیہ نوید،طاہرہ خان،عائشہ شبیر،گلشن ارشاد،افنان بابر،زینب ارشد،کلثوم جاوید،نبیلہ الیاس و دیگر عہدیدارا خواتین موجود تھیں ۔
فرح ناز نے کہاکہ حکمران ڈاکٹر طاہر القادری کی جان کے دشمن اس لئے بنے ہوئے ہیں کہ وہ غریب کی بات کرتے ہیں ۔عوامی حقوق کیلئے دھرنے دئیے تھے ،دھرنوں کی مخالفت کرنے والے ملک و قوم کے حقیقی دشمن ہیں ،دھرنے کے خلاف سازشیں ننہ ہوتیں تو آج ملک و قوم کی تقدیر بدل چکی ہوتی ۔انہوں نے کہاکہ حکومتی نا اہلی کسی سے ڈھکی چھپی نہیں ہے ۔صحت کے شعبے میں حکمرانوں کی عدم توجہی کی وجہ سے پنجاب میں کبھی ڈینگی کا حملہ ہوتا ہے تو کبھی سوائن فلو کا، عوام کو نہ تو روزگار میسر ہے اور نہ ہی صحت و تعلیم جیسی بنیادی سہولتیں ۔موجودہ حکمران عوام پر عذاب کی صورت مسلط ہیں ۔انہوں نے کہاکہ جب تک یہ قاتل اور ظالم حکمران اقتدار میں رہیں گے عام آدمی کو انصاف نہیں مل سکتا ۔ انہوں نے کہاکہ کرپٹ حکمرانوں اور انکو اقتدار میں لانے والے نظام کو سمندر برد کرنا ہو گا ورنہ یہ کالے ناگ کی صورت ملک و قوم کو کھا جائینگے ۔فرح ناز نے کہا کہ حکومتی پنجاب کے میگا خونی منصوبے آئے روز عوام کی جانیں لے رہے ہیں ،درجنوں قیمتی جانیں میٹرو اور اورنج ترین کی نظر وہ چکی ہیں جسکی ذمہ دار پنجاب حکومت ہے ،حکمران سوائن فلو اور ڈینگی سے زیادہ خطرناک ہیں ۔عوام دشمن حکمران تعلیم کو پرائیوٹائز کرنے کے منصبوے بنا رہے ہیں ۔تعلیم عوام کا بنیادی حق ہے اور اسکی فراہمی ریاست کی ذمہ داری ہے مگر حکمرانوں کی نا اہلیوں نے ملک میں نظام تعلیم کا بیڑا غرق کر دیا ہے ،نجکاری سے تعلیمی نظام تباہ ہو جائے گا اور غریب کی پہنچ سے دور ہو جائیگا ،حکمران آٹا،بجلی،گیس کھانے کے بعد اب تعلیم کے پیچھے پڑ گئے ہیں ۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
-
خواجہ سلمان رفیق کا عزیز بھٹی شہید ہسپتال گجرات میں چھت گرنے کے واقعہ کا نوٹس،رپورٹ طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.