پی آئی اے کا عمرہ معتمرین کیلئے کرایوں میں 10 فیصد کمی کا اعلان

اطلاق 24 جنوری سے جدہ اور مدینہ کے لیے شیڈول اور خصوصی عمرہ پروازوں پر بھی ہوگا

جمعہ 22 جنوری 2016 12:20

کراچی(اُردو پوائنٹ اخبارتازہ ترین - آن لائن۔22 جنوری۔2016ء) پی آئی اے نے عمرہ معتمرین کے لیے کرایوں میں 10 فیصد کمی کا اعلان کردیا جس کا اطلاق 24 جنوری سے ہوگا۔

(جاری ہے)

تفصیلات کے مطابق قومی ائیر لائن پی آئی اے نے عمرہ کی ادائیگی کے لیے سعودی عرب جانے والے معتمرین کے لیے کرائے کی مد میں 10 فیصد کمی کا اعلان کردیا جس کا اطلاق 24 جنوری ہوگا جو جدہ اور مدینہ کے لیے شیڈول اور خصوصی عمرہ پروازوں پر بھی ہوگا۔

پی آئی اے ترجمان کے مطابق کرایوں میں کمی عمرہ معتمرین کو سہولیات فراہم کرنے کے لیے کی گئی جس کے تحت لاہور، اسلام آباد، ملتان اور پشاور سے جدہ کا دوطرفہ کرایہ 49 ہزار ایک سو روپے ہو گا جب کہ کراچی اور کوئٹہ سے جدہ جانے والے معتمرین دوطرفہ کرائے کی مد میں 39 ہزار 100 روپے ادا کریں گے۔

متعلقہ عنوان :