ڈیووس میں عالمی اقتصادی فورم سے وزیراعظم کا خطاب قوم کے جذبات کی ترجمانی تھا،علی اکبر گجر
جمعرات 21 جنوری 2016 21:24
کراچی(اُردو پوائنٹ اخبارتازہ ترین - آئی این پی۔21 جنوری۔2016ء) پاکستان مسلم لیگ (ن) سندھ کے نائب صدر علی اکبر گجر نے کہا ہے کہ ڈیووس میں عالمی اقتصادی فورم سے وزیراعظم کا خطاب قوم کے جذبات کی ترجمانی تھا،وزیراعظم نے اقوام عالم کے سامنے پاکستان کا روشن اور شفاف چہرہ پیش کر کے سچے پاکستانی قائد ہونے کا ثبوت فراہم کردیا۔اپنے خطاب میں وہ دنیا کو یہ باور کرانے میں کامیاب رہے کہ پاکستان ایک کامیاب ریاست ہے جو جو برسوں دہشت گردی اور انتہا پسندی کا شکار ہونے کے باوجود اب بڑی تیزی سے ترقی کی شاہراہ پر گامزن ہے اور اس کے عوام خوشحال زندگی گزار رہے ہیں۔
انہوں نے کہا کہ تین سال قبل تک پاکستان دہشت گردی اور لوٹ کھسوٹ کی آماجگاہ بنا ہوا تھا لیکن مسلم لیگ(ن) کے برسراقتدار آتے ہی ملک میں جمہوری اصولوں کے تابع ایک ایسا نظام مروج ہے جس میں امن ،ترقی اورعوام کی سچی خدمت حکومت کی پہلی ترجیح ہے۔(جاری ہے)
پاکستان میں امن قائم ہونے کے بعد الحمدﷲ ملکی اوربین الاقوامی سرمایہ کاری میں بے پناہ اضافہ ہوا ہے جو قائدجمہوریت میاں نواز شریف کی پرو پاکستانی اقتصادی پالیسیوں کا نتیجہ ہے۔
جس جذبے کے ساتھ مسلم لیگ (ن) کی حکومت ملک اور عوام کی خدمت کررہی ہے اس کی ماضی میں کوئی مثال نہیں ملتی۔علی اکبر گجر نے کہا کہ مسلم لیگ(ن)کوعوامی خدمت کا جب بھی موقع ملااس نے اپنے مینڈیٹ کی لاج رکھی اور وہ کردکھایا جس کی کسی اور سے توقع بھی نہیں کی جاسکتی تھی۔ لیکن آمریت کے پروردہ عناصر نے ہمیشہ مسلم لیگ(ن) کے اقتدار پر شبخون مار کر جمہوریت کی جڑیں کھوکھلی کیں لیکن اس بار میاں نوازشریف نے آمریت کی تمام راہیں مسدود کرکے ملک کو کامیابیوں کے راستوں پر ڈال دیا ہے،انہوں نے کہا کہ حکومت کی کارکردگی سے عوام مطمئن ہیں اور انہیں اپنی قیادت پرمکمل بھروسہ ہے کہ میاں نوازشریف صرف سیاسی نعرے نہیں لگاتے بلکہ عملی خدمت پریقین رکھتے ہیں اور انشاﷲ وزیراعظم اور ان کی ٹیم کی محنت کے طفیل ملک اقتصادی ترقی کے بام عروج پر پہنچے گااور قوم مسلم لیگ (ن) کی خدمات پر فخرکرے گی۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.