پٹھان کوٹ ائیر بیس حملہ:بھارتی تفتیشی ادارے کا ایس پی سویندر سنگھ اور ان کے قریبی ساتھیوں کے گھروں پر چھاپے
این آئی اے نے سویندر سنگھ کے نفسیاتی معائنے کی تجویز دیدی،بھارتی وزارت داخلہ نے واقعہ کا الزام پاکستان پر لگانے کیلئے ایس پی بے گناہ قرار دیدیا
جمعرات 21 جنوری 2016 14:15
چندی گڑھ (اُردو پوائنٹ اخبارتازہ ترین - آن لائن۔21 جنوری۔2016ء) پٹھان کوٹ میں بھارتی ائیر فورس کے اڈے پر دہشت گردانہ حملے کے تناظر میں بھارت کی نیشنل انوسٹی گیشن ایجنسی این آئی اے نے ایس پی گورداس پور سلویندر سنگھ اور ان کے قریبی ساتھیوں کے گھروں پر چھاپے مارے ہیں جبکہ ایس پی سلویندر سنگھ کے نفسیاتی ٹیسٹ بھی کروانے کی ہدایت کی گئی ہے تا کہ یہ ثابت کیا جا سکے کہ ان کے اس واقعہ سے کتنے قریبی تعلقات تھے،بھارتی میڈیا کے مطابق این آئی اے نے گورداس پور اور امرتسر میں واقعہ متعدد مقامات پر چھاپے مارے ہیں ،این آئی اے کی جانب سے تازہ کارروائیاں ان رپورٹس کی بنیاد پر کی گئیں ہیں کہ پنجاب پولیس کے سینئر عہدیدار سلویندر سنگھ نے 2 روزہ ڈی ٹیکٹر ٹیسٹ کے دوران پٹھان کوٹ دہشت گردانہ حملوں کے حوالے سے جھوٹ کا سہارا لیا ہے جس کے بعد ان کے نفسیاتی ٹیسٹ کروانے کا کہا گیا ہے،ان ٹیسٹوں میں ماہرین ان کے نفسیاتی جائزے اور سکنات کے بارے میں معلومات اکٹھی کریں گے ،رپورٹ کے مطابق این آئی اے نے سلویندر سنگھ کے نفسیاتی معائنے کیلئے پینل بھی تشکیل دے دیا ہے ،ادھربھارتی میڈیا رپورٹوں میں کہاگیا ہے کہ سلویندر سنگھ نے ڈی ٹیکٹر ٹیسٹ میں کہا ہے کہ ان کا خانساماں اور دوست واقعہ کے دوران ان کے ہمراہ نہیں تھے وہ درگاہ پنج پیر گئے ہوئے تھے تاہم ڈی ٹیکٹر ٹیسٹ کے دوران ثابت ہوا ہے کہ یہ لوگ ان کے ساتھ ہی تھے ،این آئی اے اگر سلویندر سنگھ کے حوالے سے کچھ ٹھوس شواہد حاصل کرنے میں کامیاب ہو جاتے ہیں تو اس صورت میں ان کا کیس سپیشل ایجنسیز نارکوٹکس بیورو کو بھیجا جائیگا جو ان کے خلاف تحقیقات کریں گی،رپورٹ میں کہاگیا ہے کہ بھارتی وزارت داخلہ کی یہ کوشش ہے کہ سینئر پولیس عہدیدار کو بے قصور قرار دیکر اس واقعہ کے تمام محرکات پڑوسی ملک کی جانب موڑے جائیں ۔
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.