2016میں دہشت گردی کی نئی لہر نے قوم کو جھنجھوڑ کر رکھ دیا

20روز میں ملک بھر میں دہشت گردی کے درجن سے زائد واقعات میں 80 افراد جاں بحق , 100کے قریب زخمی

جمعرات 21 جنوری 2016 12:43

2016میں دہشت گردی کی نئی لہر نے قوم کو جھنجھوڑ کر رکھ دیا

اسلام آباد/کراچی/پشاور/کوئٹہ (اُردو پوائنٹ اخبارتازہ ترین - آئی این پی۔21 جنوری۔2016ء) سال 2016 میں دہشت گردی کی نئی لہر نے قوم کو جھنجھوڑ کر رکھ دیا‘ سال کے ابتدائی 20روز میں ملک بھر میں دہشت گردی کے درجن سے زائد واقعات میں 80 افراد جاں بحق جبکہ 100کے قریب زخمی ہوگئے ۔

(جاری ہے)

تفصیلات کے مطابق ایسے وقت میں جب دنیا بھر میں پاکستان کے حوالے سے دہشت گردوں کے مضبوط ٹھکانوں کو ختم کرنے بارے مثبت تاثر ابھر رہا تھا دہشت گردی کی نئی لہر نے اس کو دھندلا دیا ہے اور نئے سال کے ابتدائی 20 روز میں ملک بھر میں دہشت گردی کے مختلف واقعات میں 80 افراد جاں بحق ہوچکے ہیں۔

گذشتہ روز باچا خان یونیورسٹی کے چار سدہ کیمپس میں ہونے والے حملے کا ایک اور زخمی دم توڑ گیا ہے جس کے بعد صرف اسی حملے میں 21افراد شہید جبکہ 30 زخمی ہوچکے ہیں ۔ حالیہ دنوں میں ہونے والے خیبر ایجنسی میں کارخانو مارکیٹ کے قریب چیک پوسٹ پر خودکش دھماکے‘ کوئٹہ میں انسداد پولیو سنٹر کے قریب ہونے والے دھماکے اور کراچی میں ٹارگٹ کلنگ کے واقعات میں نئے سال کے دوران اسی افراد جاں بحق جبکہ سو کے قریب زخمی ہوچکے ہیں ۔

متعلقہ عنوان :