میلبورن‘راجر فیڈرر کی گرینڈ سلم میں 299 فتوحات مکمل

بدھ 20 جنوری 2016 17:05

میلبورن (اُردو پوائنٹ اخبارتازہ ترین - آئی این پی۔20 جنوری۔2016ء)سوئٹزرلینڈ کے راجر فیڈرر نے آسٹریلین اوپن کے تیسرے راونڈ میں جگہ بنالی۔ ساتھ ساتھ گرینڈ سلم میں دو سو ننانوے ویں فتح بھی سمیٹ لی۔ ویمنز ایونٹ میں ماریہ شراپووا کامیاب رہیں۔میلبرن میں جاری آسٹریلین اوپن کے دوسرے راونڈ میں راجر فیڈرر نے یوکرین کے ڈولگو پولو کو اسٹریٹ سیٹس میں شکست دی۔

(جاری ہے)

یہ ان کی گرینڈ سلم ایونٹس میں دو سو ننانوے ویں فتح تھی۔ٹینس کی تاریخ میں راجر فیڈرر پہلے پلئیر ہوں گے جو گرینڈ سلم میں تین سو فتوحات کا کارنامہ انجام دیں گے۔دیگر میچز میں ٹومس برڈخ، گریگور دمیترو اور جائلز سائمن نے بھی اپنے میچز جیت لیے ہیں۔ویمن سنگلز میں ماریہ شراپووا نے تیسرے راونڈ میں جگہ بنالی۔دوسرے راونڈ میں روسی کوئن نے بیلاروس کی سیسنو وچ کو اسٹریٹ سیٹس میں شکست دی۔اٹلی کی روبرٹا ونسی اور امریکا کی سیرینا ویلیمز نے بھی دوسرے راونڈ میں اپنے میچز جیت لیے۔

Facebook Twitter Google + Share on Whatsapp

میلبورن‘راجر فیڈرر کی گرینڈ سلم میں 299 فتوحات مکمل

مزید کھیلوں کی خبریں