بیہودہ اور فحش پروگرام ، پیمرا نے نجی ٹی وی چینل کو 10 لاکھ روپے جرمانہ کردیا
منگل 19 جنوری 2016 21:25
اسلام آباد(اُردو پوائنٹ اخبارتازہ ترین - آئی این پی۔19 جنوری۔2016ء) پیمرا نے سماء ٹی وی چینل کو انتہائی فحش اور غیر اخلاقی پروگرام نشر کرنے اور نشریات میں مؤثر ایڈیٹوریل کنٹرول نہ ہونے کی وجہ سے دس لاکھ روپے جرمانہ عائد کرنے کی سفارش کردی ۔ منگل کو پیمرا کے ترجمان کے مطابق سماء ٹی وی کے پروگرام "واردات" 22جولائی 2015ء میں ایک جرم کی کہانی کی ڈرامہ سازی کے دوران ایک لڑکے نے لڑکی کواپنے موبائل فون کے ذریعے انتہائی فحش پیغام بھیجا جو من و عن سماء ٹی وی پر دِکھایا گیا۔
جس سے نہ صرف عوامی جذبات مجروح ہوئے بلکہ پیمرا کو بھی سخت عوامی ردِعمل کا سامنا کرنا پڑا۔ مزید برآں ایسے جرم کی تمثیل کاری اور لکھے گئے الفاظ نہ صرف مروجہ سماجی، ثقافتی اور مذہبی قدروں کے منافی تھے بلکہ پیمرا قوانین اورسپریم کورٹ کے نافذ کردہ ضابطہ ٔ اخلاق کے بھی صریحاً خلاف تھے۔(جاری ہے)
جس کاپیمرانے سخت نوٹس لیتے ہوئے چینل انتظامیہ کو مؤرخہ 29جولائی 2015ء کو اظہارِ وجوہ کا نوٹس جاری کیا تھا اور14یوم کے اندر جواب طلبی کی تھی ۔
چینل کی طرف سے خاطر خواہ جواب موصول نہ ہونے کی صورت میں مذکورہ کیس پیمرا کونسل آف کمپلینٹس کراچی کے سپرد کیا گیا تاکہ چینل کے خلاف پیمرا قوانین کے تحت فیصلہ کیا جائے۔لہٰذا کونسل آف کمپلینٹس کراچی، جس کی صدارت پروفیسر انعام باری نے کی ، نے اپنے 14جنوری 2016ء کے منعقدہ اجلاس میں سماء ٹی وی چینل کے نمائندوں کا مؤقف سننے اور تمام ریکارڈنگ دیکھنے کے بعد متفقہ طور پر چینل پردس لاکھ روپے جرمانہ عائد کرنے کی سفارش کی۔ کونسل آف کمپلینٹس نے یہ بھی ہدایت کی ہے کہ ایسی کسی بھی مزید خلاف ورزی کی صورت میں سماء چینل کے لائسنس کو یا معطل کیا جائے یا منسوخ کر دیا جائے۔کونسل نے یہ بھی ہدایت کی ہے کہ باقی تمام چینلز کو بھی ایک سرکلر جاری کیا جائے کہ وہ جرائم سے متعلقہ پروگرام نشر کرتے ہوئے حد درجہ احتیاط کریں۔کونسل آف کمپلینٹس کی سفارش کے مطابق جرمانے کے اطلاق کے لیے سماء چینل کا کیس اتھارٹی کے آئندہ اجلاس میں مزید کاروائی کیلئے پیش کیا جائیگا۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.