پاکستان میں 15 سے 25 فیصد آبادی غذائی قلت کا شکار

اتوار 17 جنوری 2016 17:10

نیویارک(اُردو پوائنٹ اخبارتازہ ترین - این این آئی۔17 جنوری۔2016ء) 2014 سے2016 کے دوران ضرورت سے کم غذا ملنے پر کئی ملکوں میں شہریوں کی موت واقع ہوئی ایک رپورٹ کے مطابق پاکستان اور بھارت میں غذائی قلت کی شرح 15 سے 25 فیصد تک رہی اس دوران افریقی ملکوں میں غذائی قلت کی بدترین صورتحال سامنے آئی۔

(جاری ہے)

ورلڈ فوڈ پروگرام کے جاری کئے گئے نقشے کے مطابق 2014 سے 2016 کے دوران افریقی ملکوں میں غذائی قلت کی شدید صورتحال سامنے آئی ،سینٹرل افریقن ری پبلک ،نمیبیا اور زیمبیا میں 35 فیصد سے زائد آباد ی کو ضرورت سے کم غذا ملی ، افغانستان اور جنگ کا شکار یمن میں 25 سے 35 فیصد کی آباد ی کوکم غذا ملی،بھارت ،پاکستان ،بنگلادیش اور عراق سمیت کئی ملکوں میں 15 سے 25 فیصد آبادی غذائی قلت کا شکار ہوئی۔

چین ،انڈونیشیا،نیپال،سری لنکا میں صورتحال تھوڑی بہتر نظر آئی ،جہاں 5 سے 15 فیصد افراد کو غذائی قلت کا سامنا رہا۔روس ،امریکہ سعودی عرب ،ایران اور ملائیشیا میں 5 فیصد سے کم افراد غذائی قلت کا شکار ہوئے۔

Facebook Twitter Google + Share on Whatsapp

پاکستان میں 15 سے 25 فیصد آبادی غذائی قلت کا شکار

متعلقہ عنوان :

مزید بین الاقوامی خبریں