عدلیہ اور بار کا چولی دامن کا تعلق ہے،وزیرخزانہ
حکومت عوام کو جلد انصاف کی فراہمی کیلئے اپنے تمام تر وسائل بروئے کار لارہی ہے
ہفتہ 16 جنوری 2016 20:43
پشاور(اُردو پوائنٹ اخبارتازہ ترین - این این آئی۔16 جنوری۔2016ء) خیبر پختونخوا کے وزیرِ خزانہ مظفر سید ایڈووکیٹ نے کہا ہے کہ عدلیہ اور بار کا چولی دامن کا تعلق ہے اور ان کی اجتماعی کوششوں سے جلد اورسستے انصاف کی فراہمی میں مدد ملتی ہے اس لئے وکلاء عوام کو جلد اور سستے انصاف کی فراہمی کیلئے عدلیہ سے بھرپور تعاون کریں اور اس سلسلے میں اپنی تمام تر صلاحیتیں بروئے کار لاتے ہوئے معاشرے سے نا انصافی ، اقرباء پروری کے خاتمے کیلئے اپنا بھر پور کر دار ادا کریں ۔
وہ ہفتے کے روز جوڈیشیل کمپلیکس بنوں میں اسلامک لائرز فورم کے زیرِ اہتمام وکلاء کنونشن سے خطا ب کر رہے تھے اس موقع پر ڈسٹرکٹ بار بنوں ، ڈی آئی خان، لکی مروت اور کر ک کے صدور اور اسلامک لائرز فورم کے وکلاء نے بھر پور شرکت کی۔(جاری ہے)
صوبائی وزیر خزانہ نے کہا کہ حکومت عوام کو جلد انصاف کی فراہمی کیلئے اپنے تمام تر وسائل بروئے کار لارہی ہے اس مقصد کے حصول کیلئے عدلیہ کو تمام تر سہولیات فراہم کی جارہی ہے تا کہ جج صاحبان کواپنے فرائض کی سرانجامی میں کوئی مشکلات پیش نہ آئے۔
انہوں نے کہا کہ اسلامک لائرز فورم اس سلسلے میں اپنا بھرپور کردار ادا کر رہے ہیں مظفر سید ایڈووکیٹ نے کہا کہ جماعت اسلامی کی صوبائی اور مرکزی قیادت ملک میں اسلامی انقلا ب کیلئے تمام تر وسائل اور کوششیں بروئے کار لارہی ہے۔پاکستان میں اسلامی نظام کے نفاذ کیلئے ہر فورم پر اپنی آواز بلند کررہی ہے اور وہ وقت دور نہیں جب پاکستا ن ایک اسلامی اور فلاحی مملکت بن جائے گا ۔ انہوں نے اس موقع اسلامک لائرز فورم کی فلاح و بہبود اور ڈسٹرکٹ بار ایسوسی ایشن بنوں کیلئے تیس لاکھ روپے کی گرانٹ کا اعلان کیا۔ تقریب میں جماعت اسلامی کے صوبائی امیر مشتا ق احمد خان اور مرکزی رہنما پروفیسر محمد ابراہیم خان نے بھی خطا ب کیا۔ انہوں نے پاکستان میں اسلامی نظام کے نفاذ کیلئے جماعت اسلامی کی کاوشوں کی تفصیلات بتائیں۔ انہوں نے کہا کہ ان کی جماعت اسلامی نظام کے نفاذ کیلئے کوششیں کر رہی ہیں۔مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
سرکاری لیبارٹریز نے ڈینگی مریضوں کی تشخیص بند کر دی
-
اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ،ریاض پیرزادہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.