زندہ رہتا تو ہراساں کرنے والا بن جاتا !فرانسیسی میگزین کا "ایلان کی موت" پر تمسخر
ممکن تھا کہ ایلان ایک ڈاکٹر ، ٹیچر یا ایک محبت کرنے والا باپ ہوتا،اردن کی ملکہ کا فرانسیسی میگزین کو بھرپور جواب
ہفتہ 16 جنوری 2016 14:45
عمان (اُردو پوائنٹ اخبارتازہ ترین - آئی این پی۔16 جنوری۔2016ء )اردن کی ملکہ رانیا نے فرانسیسی میگزین "چارلی ایبڈو" کو 3 سالہ شامی پناہ گزین بچے ایلان کردی کا کارٹون بنا کر تمسخر اڑنے پر بھرپور جواب دیا ہے ، ملکہ رانیانے ٹویٹر اور فیس بک پر اپنے دونوں آفیشل اکاوٴنٹس پر ایک کارٹون پوسٹ کیا ہے جس پر تحریر عبارت میں وہ کہہ رہی ہیں کہ "اگر ایلان زندہ رہ جاتا تو مستقبل میں کیا بنتا ؟ممکن تھا کہ ایلان ایک ڈاکٹر یا ٹیچر یا ایک محبت کرنے والا باپ ہوتا، اس جملے کو فرانسیسی، انگریزی اور عربی زبانوں میں پیش کیا گیا ہے۔
غیر ملکی میڈیا کے مطابق اردن کی ملکہ رانیا العبداللہ نے ٹویٹر اور فیس بک پر اپنے دونوں آفیشل اکاوٴنٹس پر ایک کارٹون پوسٹ کیا ہے، جس پر تحریر عبارت میں وہ کہہ رہی ہیں کہ "اگر ایلان زندہ رہ جاتا تو مستقبل میں کیا بنتا ؟"... اس جملے کو فرانسیسی، انگریزی اور عربی زبانوں میں پیش کیا گیا ہے۔(جاری ہے)
ملکہ رانیا نے اپنے دونوں اکاوٴنٹس پر یہ کہتے ہوئے تبصرہ کیا ہے کہ " ممکن تھا کہ ایلان ایک ڈاکٹر یا ٹیچر یا ایک محبت کرنے والا باپ ہوتا"۔
ملکہ رانیا کی سوچ کو کارٹون کی شکل اردن کے کارٹونسٹ اسامہ حجاج نے دی ہے۔یہ جواب فرانسیسی میگزین "چارلی ایبڈو" کی جانب سے 3 سالہ شامی پناہ گزین بچے ایلان کردی کے بارے میں شائع کیے جانے والے کارٹون کے ردعمل کے طور پر سامنے آیا ہے۔ ایلان کردی کی لاش ستمبر 2015 میں ترکی کے ساحلوں پر ملی تھی جب وہ اپنے اہل خانہ کے ساتھ یونان پہنچنے کی ناکام کوشش کررہا تھا۔فرانسیسی میگزین "چارلی_ایبڈو" نے مہاجرین کے عنوان سے ایک کارٹون شائع کیا تھا جس میں (3 سالہ) ایلان کے بارے میں کہا گیا تھا کہ اگر اس کی موت واقع نہ ہوتی تو وہ جرمن خواتین کے لیے ہراساں کرنے والا بنتا۔ یہ بات سال نو کی رات جرمنی کے شہر کولونیا میں پیش آنے والے جنسی ہراسیت کے واقعات کے تناظر میں کہی گئی۔ایلان کردی کی پھوپی نے "چارلی ایبڈو" کی جانب سے شائع کیے گئے تضحیک آمیز کارٹون کو "قابل نفرت" قرار دیا۔ کینیڈا کے صوبے برٹش کولمبیا میں رہائش پذیر تیما کردی نے برطانوی "اخبار ڈیلی" میل سے گفتگو میں کہا کہ "میں اس بات کی امید کرتی ہوں کہ لوگ ہمارے خاندان کے درد کا احترام کریں۔ ہمارے لیے یہ ایک بہت بڑا نقصان ہے جس کے اثرات سے ہم ابھی تک دوچار ہیں."انٹرنیٹ پر سوشل ویب سائٹوں کے ذریعے اس کارٹون کو وسیع پیمانے پر تنقید کا نشانہ بنایا گیا۔ بہت سے لوگوں نے اس کو "نسل پرستی پر مبنی" قرار دیتے ہوئے کہا کہ یہ منافرت پھیلانے کا ذریعہ بنے گا۔مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.