مسلمان لڑکے کی محبت میں پاگل برطانوی فیشن ڈیزائنر نے جان دیدی

جمعہ 15 جنوری 2016 21:54

مسلمان لڑکے کی محبت میں پاگل برطانوی فیشن ڈیزائنر نے جان دیدی

لندن(اُردو پوائنٹ اخبارتازہ ترین - آئی این پی۔15 جنوری۔2016ء ) برطانیہ سے تعلق رکھنے والی 20 سالہ فیشن ڈیزائنر کیلی نے اپنے مسلمان بوائے فرینڈ کی شادی ہو جانے کے ڈر سے خود کشی کر لی ۔غیر ملکی میڈیا کی رپورٹ کے مطابق اپنے مسلمان دوست کے نام موبائل پر بھیجے گئے آخری پیغام میں اس نے لکھا کہ میں تم سے بہت محبت کرتی ہوں۔ یہ میں سب کچھ تمہارے لئے کرنے جا رہی ہوں کیونکہ مجھے ڈر ہے کہ تمہاری زبردستی شادی کر دی جائے گی۔

لڑکی کے بوائے فرینڈ نے پولیس کو اس اندوہناک واقعے کے بارے میں بتاتے ہوئے کہا کہ میں جب میری دوست سے آخری مرتبہ ملاقات ہوئی تو وہ بہت خوش نظر آ رہی تھی لیکن مرنے سے چند منٹس قبل اسے نے مجھے موبائل پر پیغام بھیجا کہ میں تم سے بہت پیار کرتی ہوں اور یہ سب کچھ تمہارے لئے کر رہی ہوں۔

(جاری ہے)

اپنے موبائل پر لکھے آخری نوٹ میں لڑکی نے لکھا کہ اس کا بوائے فرینڈ کی ارینجڈ میرج ہونے جا رہی ہے۔

اس اطلاع نے مجھے سخت پریشان اور دکھی کر دیا ہے۔ پولیس کو دیئے گئے بیان میں نوجوان کا کہنا تھا کہ ہم ایک دوسرے سے شدید محبت کرتے تھے اور شادی کا ارادہ رکھتے تھے۔ پولیس کے مطابق تحقیقات سے پتا چلا ہے کہ مس چینگ نے خود کشی سے قبل سوشل میڈیا کے ذریعے اپنے بوائے فرینڈ سے رابطہ کیا تھا اور اس کی ارینجڈ میرج کے حوالے سے اپنے تحفظات کا اظہار کیا تھا تاہم بوائے فرینڈ کا موقف ہے کہ اس کی ارینجڈ میرج کے حوالے سے کبھی بات نہیں ہوئی تھی۔میڈیکل رپورٹ کے مطابق کو کسی بھی قسم کا دماغی عارضہ لاحق نہیں تھا اور جب اس نے خود کشی کا اقدام اٹھایا وہ نشے کی حالت میں بھی نہیں تھی۔