کوئٹہ،مولاناولی محمدترابی ودیگر کی مدرسہ دارالعلوم حقانیہ محمدخیرروڈپشتون درہ پرپولیس چھاپے اورمولوی سرفرازکوحراست میں لینے پر پولیس حکام سے ملاقات،واقعہ کی مذمت
جمعرات 14 جنوری 2016 23:06
کوئٹہ(اُردو پوائنٹ اخبارتازہ ترین - آن لائن۔14 جنوری۔2016ء) جمعیت علماء اسلام ضلع کوئٹہ کے امیرمولاناولی محمدترابی،حافظ نظرمحمدحقانی اوررحیم الدین ایڈووکیٹ نے مدرسہ دارالعلوم حقانیہ محمدخیرروڈپشتون درہ پرپولیس چھاپے اورمولوی سرفرازکوحراست میں لینے کے خلاف گزشتہ روزپولیس حکام سے ملاقات کی اورواقعہ کی شدیدمذمت کی کہ رات کی تاریکی میں مدرسہ پرچھاپہ مارناہماری اسلامی وقبائلی روایات کی خلاف ورزی ہے اگرانتظامیہ کوکسی مدرسے پرمنفی سرگرمیوں کاشک ہے اوراس حوالے سے شبہات ہیں توجمعیت کے رہنماؤں کواگاہ کریں جمعیت اس ملک میں پرامن جدوجہدکررہی ہے مدارس کے مہتمین کاتعلق جمعیت سے ہے اس طرح غیرذمہ دارانہ وغیراخلاقی رویوں سے نفرت بڑھے گی جس پرپولیس حکام نے ان کے سامنے بے بسی کااظہارکرتے ہوئے کہاکہ انہیں اس چھاپے کاعلم نہیں ہے حساس اداروں نے یہ چھاپہ ماراہے،مولاناولی محمدترابی نے کہاکہ مدرسوں پرچھاپے، لاؤڈاسپیکرکے غلاط استعمال کے نام پرعلماء کرام اورخطباء کوناجائزتنگ کرنااورپولیومہم کے دوران قوم پرست حکومت کے ایماء پرجمعیت اورعلماء کے خلاف جھوٹی ایف آئی آردرج کرناجمعیت کے لئے ناقابل قبول اقدامات ہیں ان اقدامات پرجمعیت کوسخت تشویش لاحق ہے آئندہ کے لائحہ عمل طے کرنے کے لئے آج بعدنمازجمعہ ضلعی مجلس عاملہ کاہنگامی اجلاس طلب کیاہے جس میں ان مسائل پرغورکیاجائے گاانہوں نے انتظامیہ سے کہاکہ وہ شہرکے پرامن حالات کوخراب کرنے کے بجائے جمعیت کے رہنماؤں کی خدمات حاصل کریں ان کے مشورے سے درپیش مسائل کوحل کریں جمعیت علماء اسلام اس شہرکی نمائندہ جماعت ہے جوعوامی مسائل پرہرگزخاموش نہیں رہ سکتی جمعیت ہرقسم دہشت گردی،فرقہ واریت اورلسانی تعصب کے خلاف ہے لیکن سیاسی تعصب کی بناء پرعلماء پرہاتھ ڈالنا،پولیومخالف اورلاؤڈاسپیکرکے غلط استعمال کے نام پرانہیں ہراساں کرنااورناجائزتنگ کرناہرگزبرداشت نہیں کریں گے اگریہ سلسلہ جاری رہاتوجمعیت تمام یونٹوں،مدارس اورآئمہ مساجدسے ملکرایک موثرتحریک شروع کرنے پرغورکرے گی۔
مزید قومی خبریں
-
کراچی، دوست کے ہاتھوں دوست کے قتل کی سی سی ٹی وی سامنے آگئی
-
گورنرسندھ کامران خان ٹیسوری سے ایران کے قونصل جنرل کی ملاقات
-
گورنرسندھ کامران خان ٹیسوری کی تبدیلی کے امکانات کم ہوگئے
-
21اپریل کا ضمنی الیکشن 8،فروری کے الیکشن کا ہی ری پلے تھا،رائے حسن نواز
-
پنجاب میں پراونشنل انفورسمنٹ اتھارٹی کاقیام، وزیر اعلیٰ مریم نواز شریف نے منظوری دے دی
-
ڈیرہ غازی خان پولیس کی کارروائی،منشیات فروش کو گرفتار کر کے 4 کلو گرام چرس برآمد کر لی
-
وفاقی وزیر برائے وفاقی تعلیم ڈاکٹر خالد مقبول صدیقی سے یونیسیف کے نمائندے کی ملاقات
-
نوجوانوں کو معاشی طور پر مستحکم کرنا ہماری اولین ترجیح ہے،رانا مشہود احمد خاں
-
سرمایہ کاروں کا اعتماد بحال کرنا حکومت کی اولین ترجیح ہے،وفاقی وزیررانا تنویر حسین
-
مارچ میں چین کی پاکستان میں 153.9ملین ڈالر کی براہ راست سرمایہ کاری
-
صوبائی وزیرصحت خواجہ سلمان رفیق کی زیرصدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
لیسکو کی بجلی چوروں کا خلاف کارروائیاں ، 8 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.