آل پاکستان غلام عباس فٹ بال ٹورنامنٹ پھول پتی بلوچ،ینگ پنجگوراور کورنگی ریڈ کی کامیابی

ملیر ریڈ ،میٹروول اسٹاراور الواجد اسپورٹس کو شکست کا سامنا

جمعرات 14 جنوری 2016 19:09

آل پاکستان غلام عباس فٹ بال ٹورنامنٹ پھول پتی بلوچ،ینگ پنجگوراور کورنگی ..

کراچی (اُردو پوائنٹ اخبارتازہ ترین - آئی این پی۔14 جنوری۔2016ء) سیفی اسپورٹس فٹ بال کلب لیاری کے زیر اہتمام آل پاکستان غلام عباس بلوچ فٹ بال ٹورنامنٹ میں مزید 3میچوں کے فیصلے ہوگئے کھیلے گئے پہلے میچ میں پھول پتی بلوچ نے مد مقابل ملیر ریڈ کی ٹیم کو 1-0سے شکست دیدی فاتح ٹیم کی جانب سے عاصم نے میچ کا فیصلہ کن گول کرکے اپنی ٹیم کو کامیابی سے ہمکنار کیا ۔

دوسرے میچ میں ینگ پنجگور لیاری نے مضبوط حریف میٹرو ول اسٹار کو 1-0سے زیر کرکے اگلے مرحلے کے لئے کوالیفائی کرلیا ینگ پنجگور کے جعفر نے فیصلہ کن اسکور کیا ۔

(جاری ہے)

ٹورنامنٹ میں کھیلے گئے تیسرے میچ میں کورنگی ریڈ نے سخت اور کانٹے دار مقابلے کے بعد الواجد اسپورٹس گذری کو 3-2سے شکست دیدی میچ کی خاص بات کورنگی ریڈ کے کھلاڑی اسد کا خوبصورت کھیل تھا جنہوں نے نہایت شاندار دو گول اسکور کئے۔

جبکہ الواجد اسپورٹس کی جانب سے منور اور شاہ زیب نے ایک ایک گول اسکور کئے ٹورنامنٹ میں کھیلے گئے میچوں میں ریفریز کے فرائض نیشنل فٹ بال ریفری جلال اعظم ،یوسف بلوچ ،غلام عباس ،ماما غنی ،گلزار ظہور ،یوسف منصوری اور پرویز یوسف نے انجام دیئے جبکہ میچ کمشنر فیض عثمان ،ماسٹر نذید احمد بلوچ اور میڈیا کوارڈینٹر شیر افضل تھے ۔