پاک بھارت سیکرٹری خارجہ مذاکرات ملتوی نہیں ہوئے، تاریخ کا تعین کررہے ہیں،دفترخارجہ
جمعرات 14 جنوری 2016 16:05
اسلام آباد(اُردو پوائنٹ اخبارتازہ ترین - آن لائن۔14 جنوری۔2016ء) ترجمان دفتر خارجہ قاضی خلیل اللہ نے کہا ہے کہ پاک بھارت سیکرٹری خارجہ سطح کے مذاکرات ملتوی نہیں ہوئے، دونوں ممالک تاریخ کا تعین کررہے ہیں،پاکستان دہشت گردی کے خاتمے کیلئے بھارت کیساتھ ہرممکن تعاون کررہا ہے ،مسعود اظہر کو حفاظتی تحویل میں لئے جانے کی تصدیق کرسکتے ہیں نہ وزیراعظم ہاؤس کے بیان پرکوئی تبصرہ کیا جائے گا،داعش کے حوالے سے افغان سفیر کا بیان بے بنیاد ہے ،افغان حکومت کسی ثبوت کے بغیر الزام تراشی سے گریز کرے۔
دفتر خارجہ اسلام آباد میں ہفتہ وار میڈیا بریفنگ کے دوران قاضی خلیل نے پاک بھارت خارجہ سیکریٹریز کی ملاقات کے حوالے سے کہا کہ پاکستان اوربھارت کے خارجہ سیکرٹریز کے درمیان مذاکرات کے لیے کسی تاریخ کا تعین نہیں ہوا تاہم اس حوالے سے تاریخ طے کرنے کے لیے رابطے میں ہیں۔(جاری ہے)
واضح رہے کہ گزشتہ روز وزیراعظم ہاوٴس سے جاری ہونے والے بیان میں کہا گیا تھا کہ نواز شریف کی زیر صدارت عسکری اور سیاسی قیادت کے اعلیٰ سطح کے اجلاس میں پٹھان کوٹ ایئربیس حملے کی تحقیقات میں کالعدم تنظیم جیش محمد کے سربراہ مسعود اظہر، جیش محمد ان کے بھائی راؤف اور بہنوئی کی گرفتاری کی تصدیق کی گئی تھی۔
جس پر ترجمان دفتر خارجہ کا کہنا تھا کہ مولانا مسعود کی گرفتاری کا علم نہیں ہے اور وزیر اعظم کے بیان پر مزید کچھ نہیں کہہ سکتا۔انہوں مزید کہا کہ دہشت گری کے خاتمے کیلئے بھارت سمیت تمام ممالک کے ساتھ تعاون کے لیے تیار ہیں اور پیرس میں سلامتی مشیرو ں کی ملاقات کا کوئی علم نہیں ہے۔سعودی ایران کشیدگی کے حوالے سے بات کرتے ہوئے ترجمان کا کہنا تھا کہ کشیدگی کے خاتمے کے لیے ایران یا سعودی عرب وفد بھیجے جانے کا علم نہیں اور ہم ایران کے ساتھ تعلقات میں مزید بہتری کے خواہاں ہیں۔پاک چین اقتصادی راہداری منصوبے کے حوالے سے انہوں نے کہا کہ اقتصادی راہداری منصوبوں پر عملدرآمد کے لیے چینی حکام سے رابطے میں ہیں۔ترجمان دفتر خارجہ نے داعش کے حوالے سے افغان سفیر کے الزامات کو مسترد کرتے ہوئے کہا کہ داعش کے حوالے سے افغان سفیر کا بیان بے بنیاد ہے جبکہ کسی ثبوت کے بغیر الزام تراشی سے گریز کرنا چاہیے۔خیال رہے کہ گزشتہ روز پاکستان میں تعینات افغانستان کے سفیر جانان موسیٰ زئی نے ایک سیمینار سے خطاب کے دوران کہا تھا کہ فاٹا کی اورکزئی اور مہمند ایجنسی میں فوجی آپریشن شروع ہونے کے بعد وہاں سے فرار ہونے والے 70 فیصد دہشت گردوں نے افغانستان آکر داعش میں شمولیت اختیار کرلی ہے۔انڈونیشیا کے دارالحکومت جکارتہ میں ہونے والے دہشت گرد حملوں کی مذمت کرتے ہوئے قاضی خلیل اللہ کا کہنا تھا کہ پاکستان ہر قسم کی دہشت گردی کے خلاف ہے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.