لیو پروڈکشن کے زیر اہتمام فیشن و میوزیکل ایوارڈ شو میں سینئر اداکاروں نے شرکت کر کے تقریب کو چار چاند لگا دیئے
جمعرات 14 جنوری 2016 13:08
لاہور ( اُردو پوائنٹ اخبارتازہ ترین - این این آئی۔14 جنوری۔2016ء) لیو پروڈکشن کے زیر اہتمام مقامی ہوٹل میں ہونے والے فیشن و میوزیکل ایوارڈ شو میں فلم ، ٹی وی اور تھیٹر کے سینئر اداکاروں نے شرکت کر کے تقریب کو چار چاند لگا دیئے ، طویل عرصے کے بعد ماضی کے لیجنڈ اداکاروں کو اکٹھے دیکھ کر حاضرین حیرت زدہ رہ گئے ۔ تفصیلات کے مطابق گزشتہ روز مقامی ہوٹل میں لیو پروڈکشن کے زیر اہتمام فیشن و میوزیکل ایوارڈ شو کا انعقاد کیا گیا جس میں شوبز انڈسٹری کے لیجنڈ اداکاروں فلمسٹار شاہد ، مصطفی قریشی ، مسرت شاہین ، عرفان کھوسٹ ، راشد محمود ، اورنگ زیب لغاری ، اے نیئر ، پرویز رضا ، امان اللہ ، شیبا بٹ ، طاہر نوشاد ، سلیم البیلا ، سخاوت ناز ، شاہد خان اور سرمد کھوسٹ سمیت دیگر نے شرکت کی ۔
اس موقع پر گلوکارہ حوریہ خان ، انور رفیع ، آصف جاوید ، نرمل شاہ اور چاند نصرت نے شاندار گلوکاری کا مظاہرہ کیا ۔(جاری ہے)
شو میں ماڈلز ڈولی ، ثناء گل ، آمنہ ، پارس، روینا روز ، عدن انجوہ ، ثناء خان اور ثانیہ نے ریمپ پر کیٹ واک کی جبکہ امان اللہ ، سخاوت ناز ، شاہد خان ، طاہر نوشاد اور سلیم البیلا نے کامیڈی کا شاندار مظاہرہ کرتے ہوئے حاضرین سے بھرپور داد وصول کی ۔
شو کے دوران گلوکارہ نرمل شاہ مہدی حسن کی آواز میں فیض احمد فیض کا کلام ” مجھ سے پہلی سی محبت میری محبوب نہ مانگ “ سناتے ہوئے جذباتی انداز میں رو پڑیں جس پر حاضرین کی جانب سے انہیں بھرپور تالیاں بجا کر داد دی گئی ۔ شو میں ڈھول پلیئر ارشمہ کول نے بھی اپنے فن کا مظاہرہ کیا ۔ تقریب میں لیجڈ اداکاروں مصطفی قریشی ، شاہد ، عرفان کھوسٹ ، راشد محمود ، امان اللہ ، مسرت شاہین ، جاوید رضا ، اوررنگ زیب لغاری ، پرویز رضا ، اے نیئر ، شیبا بٹ اور سرمد کھوسٹ کو لائف اچیومنٹ ایوارڈ دیئے گئے ۔ شو کی کمپیئرنگ کے فرائض ماڈل و اداکارہ ڈولی اور سینئر صحافی شکیل زاہد نے انجام دیئے ۔ جبکہ کے شو کے آرگنائزر اویس ملک ، اسلم پھلروان ، ڈولی ،اسرار حسن اور پرویز رضا تھے۔ یہ تقریب رات گئے تک جاری رہی اور اس میں شریک شرکاء نے فیشن و میوزیکل ایوارڈ شو کو ایشیائی کامیابی قرار دیا ۔مزید فن و فنکار کی خبریں
-
معروف اداکارہ نیمل خاور نے اپنے پرستاروں کے ساتھ براہ راست رابطے کیلئے یو ٹیوب چینل کا آغاز کردیا
-
مشہورپوپ سنگرکا جنوبی کوریا میں مسجد بنانے کا اعلان
-
گلوکارہ اقبال بانو کی 15ویں برسی21اپریل کو منائی جائے گی
-
’’عشق مرشد‘‘کی آخری قسط بڑے پردے پر دکھائے جانے کا امکان
-
درفشاں سلیم ٹیلنٹ سے زیادہ قسمت سے مشہور ہوئیں، نازش جہانگیر
-
اداکارہ اقرا عزیز کے ہاں دوسرے بچے کی پیدائش کی خبریں گردش کرنے لگیں
-
مشہورپوپ سنگرکا جنوبی کوریا میں مسجد بنانے کا اعلان
-
لیجنڈری اداکار امیتابھ بچن کے مداحوں کیلئے بڑی خوشخبری آگئی
-
شاہ رخ خان کی اپنی بیٹی سوہانا کی فلم کیلئے 200 کروڑ کی سرمایہ کاری
-
رنبیرکپورکے نئے اوتار نے مداحوں کو تجسس میں ڈال دیا
-
مہوش نے بھارتی گلوکار کیساتھ نئے پراجیکٹ کی تفصیلات بتا دیں
-
اسد صدیقی کی سالگرہ پر اہلیہ کے ہمراہ رومانوی تصویر کی سوشل میڈیا پر دھوم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.