داعش کو ہدف بنانے کے لیے امریکی اسپیشل آپریشنز فورسز کی عراق آمد
عمر جمشید جمعرات 14 جنوری 2016 11:40
واشنگٹن(اُردو پوائنٹ تازہ ترین ۔۔ آئی پی اے ۔۔ 14 جنوری۔2015ء) امریکی وزیر دفاع ایش کارٹر نے کہا ہے کہ امریکی اسپیشل آپریشنز فورسز کی عراق میں آمد ہوچکی ہے اور وہ داعش کے مضبوط ٹھکانوں کو ہدف بنانے کے لیے عراقی افواج کی مدد کریں گی۔کارٹر نے کہا ہے کہ تقریباً 200 کمانڈوز نے پہلے ہی عراقیوں کے ساتھ رابطہ قائم کیا ہے اور توقع ہے کہ وہ نئے اہداف نئے حملوں اور نئے مواقع کو تلاش کریں گے۔
امریکی وزیر دفاع نے اس بات کا اعلان کنٹکی میں واقع فورٹ کیپ بیل میں کیاجہاں وہ 101ویں ’ایئربورن ڈویژن‘ کی فوج سے مخاطب تھے جو بہت جلد عراق میں تعینات ہوں گے۔اْنھوں نے تفصیلی منصوبے کے بارے میں بتایا جس کے تحت عراق اور شام میں داعش کے وسیع خطے کو بازیاب کرنا شامل ہے جہاں شدت پسندوں نے ایک مذہبی خلافت کے قیام کا دعویٰ کیا ہے۔(جاری ہے)
امریکہ اس بات کے لیے کوشاں ہے کہ شمالی عراق کے شہر موصل میں عراقی اور کْرد پیش مرگہ کی فوجوں کی مدد کی جائے اور شمالی شام میں دولت اسلامیہ کے لڑاکوں کو پسپائی پر مجبور کرنے کے لیے شامی باغی فوجوں کی اعانت کی جائے جو رقہ میں اپنے خود ساختہ دارالحکومت میں موجود ہیں۔
کمانڈوز کی تعیناتی داعش کے شدت پسندوں کے خلاف کارروائی کے حوالے سے نئے امریکی عزم کی آئینہ دار ہے، اور امریکہ کی جانب سے ایک سال قبل شروع کیے گئے سینکڑوں لڑاکا طیاروں اور ڈرون حملے اِس کے علاوہ ہیں، ایسے میں جب صدر براک اوباما نے زمین پر فوجوں کی بڑی تعیناتی کے امکان کو مسترد کیا ہے۔کمانڈوز کی یہ تعیناتی صدر اوباما کی جانب سے گذشتہ برس شام میں روانہ کی گئی 50 امریکی اسپیشل آپریشنز کی اْس فوج کے علاوہ ہے، جس کا مقصد صدر بشار ال?سد کے خلاف جاری خانہ جنگی میں باغی دھڑوں سے رابطہ قائم کرنا ہے، جو لڑائی تقریباً پچھلے پانچ برس سے لڑی جا رہی ہے۔کارٹر کے بقو ل صدر اوباما کچھ کر دکھانے کے عزم پر قائم ہیں، ایسے میں جب مواقع پیدا ہورہے ہیں، جو کارگر ہوں اور جو دشمن کا صفایا کرنے میں مدد دیں، جب تک کہ داعش کو شکست فاش نہیں دی جاتی‘۔کارٹر اگلے ہفتے پیرس میں برطانیہ، فرانس، آسٹریلیا، جرمنی، اٹلی اور نیدرلینڈز کے دفاعی سربراہوں کے ساتھ ملاقات کر رہے ہیں، جس موقعے پر وہ داعش کے خلاف لڑائی کو مزید تیز کرنے پر زور دیں گے۔مزید بین الاقوامی خبریں
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
کیڑوں مکوڑوں والی کافی پینے سے خاتون کی جان پر بن آئی
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.