سرکاری شعبوں میں ہونے والی خریداری کے معاملات کو صاف اور شفاف بنانے کیلئے قوانین کے متعلق معلومات وقت کی اہم ضرورت ہے، کمشنر لاڑکانہ
بدھ 13 جنوری 2016 22:23
لاڑکانہ(اُردو پوائنٹ اخبارتازہ ترین - این این آئی۔13 جنوری۔2016ء) کمشنر لاڑکانہ غلام اکبر لغاری نے کہا ہے کہ سرکاری شعبوں میں ہونے والی خریداری کے معاملات کو صاف اور شفاف بنانے کے لیے سندھ پبلک پروکیورمنٹ کے قوانین کے متعلق معلومات وقت کی اہم ضرورت ہے۔ ان خیالات کا اظہار انہوں نے اپنے دفتر میں قومی تعمیر کے محکموں کی ڈویڑنل سربراہان کو سندھ پبلک پروکیورمنٹ کے قوانین کے متعلق تفصیلی معلومات فراہم کرنے کے متعلق منعقدہ دو روزہ ورکشاپ میں کیا۔
انہوں نے کہا کہ اس قسم کی ٹریننگ سے گزیٹڈ اور نان گزیٹڈ سرکاری ملازمین کو بھرپور فوائد حاصل کرنا چاہیے، یہ وقت انفارمیشن ٹیکنالاجی کا ہے جس کی مدد سے سرکاری شعبوں میں مالی معاملات کو آسانی سے صاف اور شفاف بنایا جاسکتا ہے۔(جاری ہے)
اس موقعے پر سندھ پبلک پروکیورمنٹ ریگیولیٹری اتھارٹی کے منیجنگ ڈائریکٹر ڈاکٹر عبدالرحیم سومرو نے بتایا کہ اس پروگرام کے ذریعے یہ معلومات ملتی ہے کہ سرکاری شعبوں میں ہونے والے ترقیاتی اور غیر ترقیاتی فنڈز کو کیسے خرچ، پراسز کو آگے کیسے بڑھایا جانے اور آڈٹ کے مسائل کیسے حل کیے جائیں کے متعلق معلومات ملتی ہے۔
اس ورکشاپ میں شرکت کرنے والوں کو سیپرا قوانین کے تحت ٹھیکوں کے لیے ٹینڈر جاری کرنے، ٹینڈر کھولنے، ٹینڈر کی منظوری اور فنڈز کو خرچ کرنے کے متعلق تفصیلی معلومات دی گئی ہے۔ انہوں نے کہا کہ ڈویڑنل سطح پر اس قسم کے ورکشاپ منعقد کرنے کا مقصد سرکاری شعبوں خاص طور پر قومی تعمیر نو کے محکموں میں ہونے والی خریداری کے معاملات کو صاف اور شفاف بنانے کے لیے ضروری معلومات فراہم کرنا ہے تاکہ سرکاری وسائل کو ایمانداری اور دیانتداری سے عوام کے فلاح و بہبود کے لیے استعمال کیا جاسکے۔ سیپرا کے ایم ڈی نے کہا کہ سرکاری شعبوں میں ہونے والی خریداری کے لیے قائم کمیٹیوں میں صرف ان افسران کو شامل کیا جائے جنہوں نے سیپرا قوانین پر عمل کرنے کے متعلق ٹریننگ حاصل کی ہو اور اس قسم کی ٹریننگ حاصل کرنے کے علاوہ افسر اور ملازمین اس کمیٹی کے ممبر نہیں ہوسکتے۔ ورکشاپ میں قومی تعمیر کے محکموں کے ڈویڑنل سربراہوں کے علاوہ مختلف فرمز کے نمائندوں کنسلٹنٹس اور رجسٹرڈ ٹھیکیداروں نے بڑی تعداد میں شرکت کی۔مزید قومی خبریں
-
پنجاب کی طبی درسگاہوں میں ریسرچ کو پروان چڑھائیں گے‘خواجہ سلمان رفیق
-
رسول خدا احمدِ مجتبیٰ محمد مصطفیٰ کے تمام صحابہ و اہل بیت باکمال تھے،ثروت اعجاز قادری
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.