منور تالپور ہو یا ڈاکٹر عاصم قانون کے مطابق کاروائی کی جائے گی‘ڈاکٹر عاصم کیس میں بہت سے شواہد حاصل کئے ہیں، جلد ریفرنس دائر کریں گے‘مقدمے میں عدالت جو بھی فیصلہ دے گی تسلیم کریں گے

ڈی جی نیب سندھ سراج النعیم کی میڈیا سے بات چیت

منگل 12 جنوری 2016 22:12

کراچی(اُردو پوائنٹ اخبارتازہ ترین - آئی این پی۔12 جنوری۔2016ء) ڈی جی نیب سندھ سراج النعیم نے کہا ہے کہ منور تالپور ہو یا ڈاکٹر عاصم قانون کے مطابق کاروائی کی جائے گی ‘ڈاکٹر عاصم کیس میں بہت سے شواہد حاصل کئے ہیں جلد ریفرنس دائر کریں گے۔

(جاری ہے)

منگل کوخصوصی بچوں کی تقریب کے موقع پر میڈیا سے گفتگو کرتے ہوئے ڈی جی نیب سندھ نے کہا کہ ہم سب مل کر کرپشن کے خلاف جہاد کریں گے تاکہ پیسہ ضرورتمند لوگوں اور طبقوں پر لگا سکیں، نیب نے غیر جانبدارانہ طور سے کرپشن کے کیسز کی تحقیقات کررہا ہے۔

انھوں نے کہا کہ تحقیقات کے دوران کسی مخصوص شخصیت کو نشانہ بنانے کا تاثر درست نہیں، ڈاکٹر عاصم کیس میں عدالت جو بھی فیصلہ دے گی وہ منظور کریں گے، سندھ بلڈنگ کنٹرول اتھارٹی میں بڑی گڑبڑ ہے، شواہد حاصل کئے ہیں۔سراج النعیم کا کہنا تھا کہ منظور قادر کی گرفتاری کیلئے انٹر پول کو خط لکھیں گے، کرپشن میں ملوث چاہئے سندھ کی کوئی بھی بااثر شخصیت ہو اس کیخلاف کاروائی کی جائے گی۔

Facebook Twitter Google + Share on Whatsapp

ڈی جی نیب سندھ سراج النعیم کی میڈیا سے بات چیت

متعلقہ عنوان :

مزید قومی خبریں