افغانستان میں سازگار ماحول تک مہاجرین کا انخلادیرپا اور قابل عمل نہیں ہو سکتا،صدر آزاد کشمیر
منگل 12 جنوری 2016 21:40
اسلام آباد ۔ 12 جنوری (اُردو پوائنٹ اخبارتازہ ترین - اے پی پی۔12 جنوری۔2016ء) صدر آزاد کشمیر سردار محمد یعقوب خان نے کہا ہے کہ افغانستان میں سازگار ماحول اور روزگار کے ذرائع کی دستیابی تک پاکستان اور آزاد کشمیر سے افغان مہاجرین کا انخلا دیرپا اور قابل عمل نہیں ہو سکتا۔ انہوں نے کہا کہ یو این ایچ سی آر اور حکومت پاکستان کی کوششوں سے جتنے بھی افغان مہاجرین وطن واپس گئے وہ اقوام متحدہ کے اداروں سے ڈالر وصول کر کے واپس پاکستان پہنچ گئے ۔
ان خیالات کا اظہار انہوں نے گزشتہ روز یہاں یو این ایچ سی آر کے ریجنل ہیڈ کی قیادت میں اقوام متحدہ کے وفد سے گفتگو کرتے ہوئے کیا ۔ یو این ایچ سی آر کے ریجنل ہیڈ نے کہا کہ پاکستان میں مقیم افغان مہاجرین کے کارڈ ختم ہو چکے ہیں جن کی مدت میں دو سال تک توسیع کا معاملہ وزارت سیفران کے پاس ہے ۔(جاری ہے)
جب کہ آزاد کشمیر میں رجسٹرڈ افغان مہاجرین کی تعداد چار ہزار ہے ۔
جبکہ غیر رجسٹرڈ مہاجرین کی تعداد کہیں زیادہ ہے ۔ صدر آزاد کشمیر نے کہا کہ افغان مہاجرین کی بڑی تعداد نے آزادکشمیر اور پاکستان میں جائیدادیں خریدی ہوئی ہیں اور بڑے بڑے کاروبار چلا رہے ہیں انہیں یقینا واپس جانا ہو گا۔ وہ افغان شہری ہیں افغان حکومت کو ان کی آباد کاری کے لیے اقدامات کرنا ہوں گے ۔ پاکستان مشکل ترین حالات میں افغان مہاجرین کی میزبانی کر رہا ہے ۔ انہوں نے کہا کہ آزاد کشمیر افغان مہاجرین کے علاوہ مقبوضہ کشمیر سے بھارتی مظالم سے تنگ آ کر نقل مکانی کر کے آنے والے کشمیری بھائیوں کی بھی میزبانی کر رہا ہے ۔ اقوام متحدہ سمیت کوئی عالمی ادارہ ان کی مدد نہیں کر رہا ۔ اس موقع پر آزاد کشمیر کی وزیر سماجی بہبود و ترقی نسواں فرزانہ یعقوب نے کہا کہ پاکستان میں افغانوں کے علاوہ بنگلہ دیش اور دیگر ممالک سے بھی بڑی تعداد میں مہاجرین مقیم ہیں جنہوں نے یہاں شادیاں کر لی ہیں اور وہ معاشرے میں گھل مل گئے ہیں ۔ انہوں نے کہا کہ یو این ایچ سی آر کے حکام حکومتوں کے بجائے مہاجرین سے خود رابطے میں رہیں اور انہیں اپنے ملک واپس جانے کے لیے ذہنی اور فکری طور پر آمادہ کیا جائے ۔ افغان مہاجرین پاکستان معشیت کے اندر پیوست ہو چکے ہیں ۔ جنہیں افغانستان میں آباد کرنے کے لیے وہاں وسیع پیمانے پر سرمایہ کاری کرنے کی ضرورت ہے ۔متعلقہ عنوان :
مزید اہم خبریں
-
پاکستان کی امریکا سے درآمدات پرانحصار میں بڑی کمی
-
پاکستان اہم ترین شراکت داروں میں سے ایک ہے، امریکا
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
-
غزہ سیز فائر مذاکرات، مصری وفد اسرائیل میں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
ملٹی سیکٹورل سموگ ایکشن پلان پر آئندہ ہفتے سے عملدرآمد شروع ہوجائے گا
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.