درپیش چیلنجوں پر قابو پانے کے لئے جامع حکمت عملی پر عمل پیرا ہیں،جرأت مندانہ فیصلوں کے ذریعے 2013ء میں پاکستان کے بارے میں کی جانے والی پیشنگوئیاں غلط ثابت کر دی ہیں،مثبت پالیسیوں کی بدولت پاکستان سرمایہ کاروں کیلئے پرکشش ملک بن چکا ہے،معیشت کے استحکام میں اسٹاک ایکسچینج کا کلیدی کردار ہے
وزیر خزانہ اسحاق ڈار کا پاکستان اسٹاک ایکسچینج کی افتتاحی تقریب سے خطاب
پیر 11 جنوری 2016 16:54
اسلام آباد ۔ 11 جنوری (اُردو پوائنٹ اخبارتازہ ترین - اے پی پی۔11 جنوری۔2016ء) وزیر خزانہ اسحاق ڈار نے کہا ہے کہ وزیراعظم محمد نواز شریف کی قیادت میں موجودہ حکومت کا وژن ایک خودمختار، خوشحال اور باوقار پاکستان ہے۔ درپیش چیلنجوں پر قابو پانے کے لئے جامع حکمت عملی پر عمل پیرا ہیں۔ ان چیلنجوں سے مل کر ہی نمٹا جا سکتا ہے، پاکستان کا مستقبل تابناک ہے،معیشت کے استحکام میں اسٹاک ایکسچینج کا کلیدی کردار ہے۔
انہوں نے یہ بات پیر کو یہاں مقامی ہوٹل میں پاکستان اسٹاک ایکسچینج کی افتتاحی تقریب سے خطاب کرتے ہوئے کہی۔ وزیر خزانہ نے کہا کہ موجودہ حکومت نے معیشت کی بحالی اور اصلاحات کے لئے واضح روڈ میپ بنایا ہے۔ نیک نیتی اور خلوص نیت کے ساتھ تمام کام انجام دیئے جا سکتے ہیں۔(جاری ہے)
انہوں نے یاد دلایا کہ موجودہ حکومت نے درست سمت، واضح وژن اور ٹھوس و جرات مندانہ فیصلوں کے ذریعے 2013ء میں پاکستان کے بارے میں کی جانے والی پیشنگوئیاں غلط ثابت کر دی ہیں۔
معیشت، انسداد دہشت گردی، توانائی اور سماجی شعبہ کی ترقی ہماری ترجیح ہے۔ وزیر خزانہ نے کہا کہ آج کا دن تاریخی ہے جس پر میں سب کو مبارکباد پیش کرتا ہوں۔ انہوں نے کہا کہ آنے والے دنوں میں پاکستان اسٹاک ایکسچینج کی افادیت واضح ہوگی۔ پاکستان اسٹاک ایکسچینج کا خواب پورا ہونے میں 15 سال لگے۔ پاکستان کی بہتری کے لئے ہر قدم اٹھائیں گے۔ تاجر برادری کو ملکی معاشی ترقی کے لئے اعتماد میں لیا۔ انہوں نے کہا کہ ٹیکس نیٹ میں اضافہ کے لئے کوشاں ہیں اور ملک میں ٹیکس ادائیگی کے کلچر کو فروغ دینا چاہتے ہیں۔ محصولات میں اضافہ سے ہی ملک ترقی کرے گا۔ قانون سازی کے حوالے سے حکومت کا وژن واضح ہے۔ مستقبل کی ضروریات کو مدنظر رکھتے ہوئے قانون سازی کی جا رہی ہے۔ پاکستان کی منزل کے حصول کے لئے ابھی بہت کچھ کرنا باقی ہے۔ اصلاحات پر عمل پیرا ہیں جن کے مثبت نتائج برآمد ہو رہے ہیں۔ مسلسل محنت کے ذریعے ہم نے اپنے اہدف کم مدت میں حاصل کئے۔ وزیر خزانہ اسحاق ڈار نے کہا کہ مسلم لیگ (ن) کی حکومت بالخصوص معیشت، توانائی، تعلیم اور صحت کے شعبوں میں نمایاں بہتری کے لئے کوشاں ہے۔ انہوں نے کہا کہ توانائی کی قلت کے مسئلہ پر قابو پانے کے لئے ٹھوس اقدامات اٹھائے جا رہے ہیں، ۔ 2018ء تک توانائی کی قلت کا مسئلہ دور کرنے کے لئے پرعزم ہیں۔ ہم طویل مدتی طور پر اس مسئلہ کو حل کرنے کے لئے کوشاں ہیں تاکہ طلب و رسد کا مسئلہ پائیدار بنیادوں پر حل ہو۔ مارچ 2018ء بجلی کی طلب و رسد کا فرق ختم ہو جائے گا اور 10 ہزار میگاواٹ مزید بجلی نظام میں شامل ہو جائے گی جبکہ 14 ہزار میگاواٹ کے منصوبوں پر کام جاری ہے۔ انہوں نے کہا کہ بنیادی ڈھانچے کی ترقی کیلئے بھی متعدد منصوبے جاری ہیں جن پر شفاف انداز میں عمل کیا جا رہا ہے۔ اس سے نہ صرف معاشی ترقی ہوگی بلکہ روزگار کے نئے مواقع بھی پیدا ہوں گے، غربت میں کمی آئے گی۔ وزیر خزانہ نے کہا کہ موجودہ حکومت کی مثبت پالیسیوں کی بدولت پاکستان سرمایہ کاروں کے لئے پرکشش ملک بن چکا ہے۔ پاکستان کی ریٹنگ منفی سے مثبت ہو گئی ہے۔ جیٹرو کے مطابق پاکستان سرمایہ کاری کے لئے دوسرا پرکشش ترین ملک ہے۔ انہوں نے کہا کہ پاکستان کی بہتری اور ترقی کا یہ سفر جاری رہے گا۔متعلقہ عنوان :
مزید اہم خبریں
-
بھارت میں روسی فوج کے لیے بھرتیاں کرنے والے چار ملزم گرفتار
-
عوام کیلئے بری خبر،بجلی کی قیمت میں 2 روپے 83 پیسے فی یونٹ اضافہ کر دیا گیا
-
پوری دنیا میں قیمتی زیورات چرانے والا چور نیویارک میں فلمی اندازمیں گرفتار
-
شیر افضل مروت آؤٹ، پی ٹی آئی کا چیئرمین پبلک اکاؤنٹس کمیٹی کیلئے نئے نام کا باقاعدہ اعلان
-
تعلیم کے بغیر کوئی قوم ترقی نہیں کر سکتی، پاکستانی قوم عزم و حوصلہ سے کسی بھی چیلنج پر قابو پانے کی صلاحیت رکھتی ہے، وزیراعظم محمد شہباز شریف کا شعبہ تعلیم سے متعلق قومی کانفرنس سے خطاب، تعلیمی ایمرجنسی ..
-
وفاقی وزیرداخلہ محسن نقوی کا نان ڈویلپ سکیٹرز کو فوری ڈویلپ کرنے اور اسلام آباد کی اراضی کو ڈیجیٹلائز کرنے کی ہدایات
-
9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا، بانی پی ٹی آئی
-
شیرافضل مروت کی بانی پی ٹی آئی سے ملاقات نہ کرسکے
-
توشہ خانہ کیس،عمران خان، بشریٰ بی بی کی نیب طلبی کیخلاف درخواست پر فریقین کو نوٹس جاری
-
پاکستان کی بڑی کامیابی،آئی کیوب قمر چاند کے مدار میں داخل
-
وزیراعظم کا ایرانی صدر کے حالیہ دورے میں طے معاہدوں پر بلا تاخیر عمل درآمد کا حکم
-
ملین پاؤنڈ ریفرنس، عمران خان، بشریٰ بی بی کیخلاف مزید ایک گواہ کا بیان قلمبند، ایک پر جرح مکمل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.