اسلحہ خریداری خورد برد کیس ، سابق آئی جی کے پی کے ملک نوید کی درخواست ضمانتپر سماعت موخر
سپریم کورٹ کا ٹرائل کورٹ کو نیب ریفرنس کا فیصلہ ایک ماہ میں کرنے کا حکم
پیر 11 جنوری 2016 14:05
اسلام آباد (اُردو پوائنٹ اخبارتازہ ترین - آن لائن۔11 جنوری۔2016ء) سپریم کورٹ نے اسلحہ خریداری میں اربوں روپے کی خورد برد کرنے والے سابق آئی جی کے پی کے ملک نوید کی ضمانت کی درخواست پر سماعت موخر کرتے ہوئے ٹرائل کورٹ کو نیب ریفرنس کا فیصلہ ایک ماہ میں کرنے کا حکم دیا ہے ۔
(جاری ہے)
عدالت نے کہا ہے کہ ٹرائل کورٹ کے فیصلے کے بعد ہی ضمانت کی درخواست پر غور کرینگے جبکہ نیب کی جانب سے عدالت کو بتایا گیا ہے کہ ملک نوید سمیت ملزمان سے پچاس کروڑ روپے واپس حاصل کرلئے گئے ہیں ملزم کے وکیل ٹرائل کورٹ میں جان بوجھ کر خود مقدمے میں التواء کا سبب بنتے رہے ہیں اس لئے ضمانت کی درخواست منظور نہ کی جائے یہ استدعا پراسکیوٹر جنرل نیب نے پیر کے روز چیف جسٹس انور ظہیر جمالی کی سربراہی میں تین رکنی بینچ کے روبرو کی ہے عدالت کو بتایا گیا ہے کہ ملزم دو سال سے زائد عرصے سے حراست میں ہے بہت سی سماعتوں پر درخواست گزار خود بھی اس تاخیر کا ذمہ دار ہے کیونکہ 36گواہوں میں سے صرف چھ گواہوں کی گواہی ریکارڈ کی جاسکی ہے نیب کی جانب سے عدالت کو بتایا گیا کہ جاوید جو بجٹ آفیسر تھا اس کی گھر میں موجود واشنگ مشین سے چار کروڑ روپے حاصل کئے گئے رضا علی سے ساڑھے انیس کروڑ ، ارشد مجید دس کروڑ بیس لاکھ روپے ریکور کئے گئے ہیں اس کا دو ارب روپے سے زائد کی رقم میں سے پچاس کروڑ روپے ریکور کرلئے گئے ہیں اس لئے اربوں روپے کی خورد برد کا معاملہ ہے اس لئے ضمانت کی درخواست منظور نہ کی جائے جس پر عدالت نے کہا کہ ابھی ہم ضمانت کی درخواست کی سماعت موخر کررہے ہیں اور ٹرائل کورٹ ( نیب عدالت ) اس حوالے سے ایک ماہ میں ٹرائل مکمل کرکے رپورٹ عدالت میں ارسال کرے جس کو دیکھنے کے بعد ہی ملزم نوید کی درخواست ضمانت کی سماعت کے بارے میں فیصلہ کیاجائے گا بعد ازاں عدالت نے مقدمے کی سماعت بائیس فروری تک ملتوی کردی جبکہ اس دوران کے پی کے کے لاء افسر عدالت میں پیش ہوئے اور انہوں نے عدالت کو بتایا کہ اس مقدمے میں اے جی کے پی کے کو بھی فریق بنایا گیا ہے حالانکہ ان کا اس کیس سے کوئی تعلق نہیں بنتا اس لئے ہمیں مقدمے سے الگ کیاجائے جس پر عدالت نے کہا کہ آپ کو اس مقدمے میں آنے کی ضرورت نہیں ہے بعد ازاں عدالت نے سماعت ملتوی کردی
متعلقہ عنوان :
مزید اہم خبریں
-
چئیرمین رویت ہلال کمیٹی نے پاکستان میں سائنسی بنیاد پر عید الفطر کی تاریخ بتا دی
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
-
یوکرین کے وزیر خارجہ بھارت کے دورے پر نئی دہلی پہنچ گئے
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
-
گزشتہ دورحکومت میں پنک راک سالٹ مائنز کی غیرقانونی الاٹمنٹ کا کیس نیب کو بھیجنےکا فیصلہ
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.