اسپین میں داخلے کی غیر قانونی کوشش ،6مہاجرین ہلاک ،19زخمی
پیر 11 جنوری 2016 12:13
بارسلونا(اُردو پوائنٹ اخبارتازہ ترین - آن لائن۔11 جنوری۔2016ء) شمالی افریقہ میں موجود ہسپانوی علاقے ”سیوتا“ میں مراکش کے راستے داخلے کی کوشش کے دوران مہاجرین کو مقامی پولیس نے تشدد کا نشانہ بنادیا ،6 پناہ گزین ہلاک ہو گئے جبکہ 19 کو طبی امداد کیلئے ہسپتال لے جایا گیا۔ مراکش کی ایسوسی ایشن نے انکشاف کیا ہے کہ اس خطرناک گزر گاہ کو عبور کرتے ہوئے 25دسمبر سے اب تک کم از کم 6پناہ گزین ہلاک ہو چکے ہیں۔
کرسمس کے موقع پر تیر کر مراکش سے سیوتا جانے کی کوشش کے دوران تین مہاجرین ڈوب کر ہلاک ہوگئے جبکہ مزید 19کوطبی امداد کے لئے اسپتال لے جایا گیا۔ذرائع کے مطابق ہلاک اور زخمی ہونے والے تقریباً 300تارکین وطن کے ایک گروپ کا حصہ ہیں جوآبنائے جبرالٹر پار کرتے ہوئے ”سیوتا“ پہنچنے کے خواہش مند ہیں۔(جاری ہے)
مہاجرین کے انضمام کے لئے مراکش کی ایسوسی ایشن کے مطابق 185مہاجرین پر مشتمل ایک گروپ اسپین پہنچنے میں کامیاب رہا لیکن ایک اور بڑے گروپ کو مراکشی حکام نے حراست میں لے کر ملک کے جنوبی حصوں میں چھوڑ دیا۔
اسی ہفتے کیآغاز پر تیر کرآبنائے جبرالٹر پار کرنے کی کوشش کے دوران 2مرد اور ایک عورت زخمی ہوئے اور ان کی حالت انتہائی نازک بتائی جا رہی ہے۔ذرائع کے جاری کردہ بیان کے مطابق دو زخمیوں نے بتایا کہ انہیں چوٹیں حکام کی طرف سے کئے جانے والے تشدد کی وجہ سیآئی ہیں۔یہاں یہ امر اہم ہے کہ اسپین کے علاقے سیوتا اور مشرق میں واقع ’ملیحا ‘مراکش کے شمال میں واقع اسپانوی خطے ہیں۔گذشتہ برس متعدد مرتبہ تارکین نے مراکش سے سرحدی رکاوٹیں عبور کرکے اسپین میں غیر قانونی طریقے سے داخل ہونے کی کوشش کی تھی جس کے نتیجے میں ہسپانوی حکام نے نگرانی پر مامور ملازمین کی تعدادمیں اضافہ کر دیا تھا۔فروری 2014میں سیوتا میں تیر کر داخل ہونے کی کوشش کرتے ہوئے بحیرہ روم میں 15تارکین وطن ڈوب کر ہلاک ہوگئے تھے۔انسانی حقوق سے منسلک گروپوں اور مہاجرین کا دعوی ہے کہ ہسپانوی حکام آنس گیس کے شیل برسا کر اور ربڑ کی گولیاں چلا کر مہاجرین کو ہسپانوی خطے میں داخلے سے منع کرتے ہیں۔یاد رہے کہ ”سیوتا “اسپین کا ایک خود مختار شہر ہے اور یہ شہر 18اعشاریہ5 مربع کلو میٹر پر محیط شمالی افریقہ میں واقع ہے اوراسپین میں مہاجرین کے داخلے کے لئے غیر قانونی طور پر انسانی اسمگلرز اسی شہر کا انتخاب کرتے ہیں۔متعلقہ عنوان :
مزید بین الاقوامی خبریں
-
بھائی کا کیٹ مڈلٹن کیلئے نیک تمناوں کا اظہار
-
سورج گرہن،امریکا میں پائلٹس کیلئے وارننگ جاری
-
سری لنکا میں مسلمانوں کی توہین پر با اثربدھ راہب کو 4 سال قید کی سزا
-
بھارت،کھانا اچھا نہ بنانے پر دادی پر تشدد، ویڈیو وائرل
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.