پٹھان کوٹ حملے کے باوجود پاکستان اور بھارت مذاکرات جاری رکھیں گے: جان کیری

Fahad Shabbir فہد شبیر ہفتہ 9 جنوری 2016 22:41

پٹھان کوٹ حملے کے باوجود پاکستان اور بھارت مذاکرات جاری رکھیں گے: جان ..

اسلام آباد(اُردو پوائنٹ اخبار تازہ ترین۔9جنوری۔2016ء)امریکی وزیر خارجہ نے وزیراعظم نواز شریف کو فون کر کے کہا دہشت گرد پاک بھارت تعلقات سبوتاژ کرنے کی کوشش کر رہے ہیں۔ترجمان وزیراعظم ہاؤس کے مطابق امریکی وزیر خارجہ جان کیری نے وزیراعظم نواز شریف کو ٹیلی فون کیا۔ امریکی وزیر خارجہ نے وزیر اعظم نواز شریف کے قائدانہ کردار کی تعریف کی اور کہا کہ دہشت گرد پاک بھارت تعلقات کو سبوتاژ کرنے کی کوشش کر رہے ہیں۔

(جاری ہے)

امریکی وزیر خارجہ نے امید ظاہر کی کہ پٹھان کوٹ حملے کے باوجود پاکستان اور بھارت مذاکرات جاری رکھیں گے۔ وزیراعظم نواز شریف نے کہا پاکستان اپنی سرزمین سے کسی کو بھی دہشت گردی کی اجازت نہیں دے گا کیونکہ پاکستان کے تمام ادارے دہشت گردی کے خاتمے کے لیے پرعزم ہیں۔ دہشت گردی کے واقعے کے حوالے سے سچ کو سامنے لایا جائے گا۔ جان کیری نے بھی وزیراعظم نواز شریف کو پٹھان کوٹ حملے کی تحقیقات میں تعاون کی یقین دہانی کرائی۔