جمس کی ہائرنگ کمیٹی کا اجلاس چوتھی بار بھی ملتوی خعملے کا کانٹریکٹ ختم کوئی فیصلہ نہ ہوسکا
جمس میں سیاسی مداخلت کرکے تباہ کرنے کی کوشش کی جارہی ہے مزاحمت کریں گے ، صدر شہری اتحاد کا اعلان
ہفتہ 9 جنوری 2016 21:39
جیکب آباد(اُردو پوائنٹ اخبارتازہ ترین - این این آئی۔09 جنوری۔2016ء) جمس کی ہائرنگ کمیٹی کا اجلاس چوتھی بار بھی ملتوی عملے کا کانٹریکٹ ختم کوئی فیصلہ نہ ہوسکاجمس میں سیاسی مداخلت کرکے تباہ کرنے کی کوشش کی جارہی ہے مزاحمت کریں گے شہری اتحادکے صدرکااعلان تفصیلات کے مطابق یوایس ایڈ کے تعاون سے جیکب آبادمیں قائم کی گئی جیکب آباد انسٹیٹیوٹ آف میڈیکل سائنسز کے معاملات تعطل کا شکار ہوگئے ہیں وقت پر بجٹ جاری نہ ہونے اور عملے کی بھرتی میں تاخیر کی وجہ سے اس ادارے کا باقاعدہ افتتاح بھی نہیں ہوسکا ڈائریکٹر کی ذاتی کاوشوں سے مریضوں کی او پی ڈی کا آغاز کیاگیا لیکن اب ڈائریکٹر سمیت ادارے میں کام کرنے والے عملے کا کانٹریکٹ بھی 31دسمبر کو ختم ہوگیاہے اور انہیں دسمبر کی تنخواہ بھی نہیں ملی نہ ہی عملے کے کانٹریکٹ کو بڑھانے کے حوالے سے اب تک کوئی فیصلہ کیاگیاہے ادویات کی خریداری جمس کو باقاعدہ چلانے کے لیے عملے کی بھرتی ودیگر امور کے لیے چاربار ہائرنگ کمیٹی کا اجلاس طلب کیاگیالیکن ممبران کے نہ پہنچنے کی وجہ سے چار بار ہی اجلاس ملتوی کیاگیاایسی صورتحال میں جمس میں کام کرنے والے عملے میں مایوسی و بے چینی پھیل گئی ہے اس حوالے سے رابطہ کرنے پر شہری اتحاد اور مسلم لیگ ن کے ضلعی صدر اکرم ابڑونے کہاہے کہ پی پی کسی اچھے آدمی کو کام کرنے نہیں دیتی وہ چاہتے ہیں کہ اپنی مرضی کا افسرلگائیں کرپٹ افسران کی وجہ سے آج جس طرح شہر زبوں حالی کاشکارہے اسی طرح جمس کو بھی تباہ کرنے کی کوشش کی جارہی ہے یہ واحد ادارہ ہے جوعوام کو بہتر طبی سہولیات فراہم کررہاہے منتخب نمائندے چاہتے ہیں کہ وہ سفارشی عملہ بھرتی کریں جن میں نہ ہی اہلیت ہوگی اور نہ ہی وہ کام کریں گے جمس میں سیاسی مداخلت بند نہ کی گئی تو روڈ پر نکل کر مزاحمت کریں گے تحریک اہلسنت کے عبدالخالق قادری نے کہاکہ سیاسی مداخلت کی وجہ سے افسران اپنی ذمیداریاں اداکرنے کے بجائے بنگلوں کی ڈیوٹیاں دے رہے ہیں اور شہریوں کا کوئی پرسان حال نہیں جمس کو آزاد خودمختیار ادارہ بنایا جائے اور سیاسی مداخلت سے اسے پاک کیاجائے بصورت دیگر سخت احتجاج کریں گے ،پی پی ایم این اے سیل کے انچار ج میر فاروق خان جکھرانی کاکہنا تھاکہ جمس ہماراادارہ ہے اس پر کسی کو سیاست نہیں کرنے دیں گے جمس میں ہونے والی چوری کو بھی جلد بے نقاب کیاجائے گاکوئی کتنا ہی بااثر کیوں نہ ہو اس کے خلاف کاروائی کی جائے گی اس حوالے سے ایس ایس پی نے تحقیقات شروع کردی ہے ادارے کو مکمل فعال کرنے کے لیے کوششیں جاری ہیں ۔
مزید قومی خبریں
-
زبانی، تحریری طلاق پر قانون کیا کہتا ہے ہائی کورٹ کا عدت نکاح کیس میں سزا کیخلاف اپیل پراستفسار
-
بدین میں 2 نوعمرلڑکوں کا گینگ ریپ، پولیس اہلکار اورسیاستدان کیخلاف مقدمات درج
-
پشاو،بڈھ بیرپولیس کی کارروائی، چوری میں ملوث ملزم گرفتار
-
صوابی ، گھریلو تنازعے پر بھائی نے بھا ئی کوقتل کردیا
-
حکومت گندم خریدنے کے ہدف میں4 ملین ٹن کا اضافہ کرے ‘ جمشید اقبال چیمہ
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.