چین پاکستان اقتصادی راہداری کے حوالے سے آل پارٹیز کانفرنس میں وزیر اعلیٰ خیبر پختونخوا کے انتہائی سخت موقف سے شرکاء پریشان،مسلم لیگ(ق) کی جانب سے دی گئی تجویز پر معاملے میں شدت سے نرمی
تحفظات ختم نہیں ہوئے تو خیبرپختونخوا حکومت وفاق کوہزار ہ میں زمین کی فراہمی کا کام روک دیگی ، پرویزخٹک کی دھمکی
جمعہ 8 جنوری 2016 22:21
پشاور/ڈیرہ اسما عیل خان(اُردو پوائنٹ اخبارتازہ ترین - آئی این پی۔08 جنوری۔2016ء) چین پاکستان اقتصادی راہداری کے حوالے سے جمعیت علمائے اسلام کی آل پارٹیز کانفرنس میں وزیر اعلیٰ پرویز خٹک کے انتہائی سخت موقف نے کانفرنس کے شرکاء کو پریشانی میں مبتلا کردیا، تاہم مسلم لیگ(ق) کی جانب سے دی گئی تجویز پر معاملہ شدت سے نرمی کی جانب آگیا، آل پارٹیز کانفرنس کے اندرونی زرائع کے مطابق کانفرنس میں وزیر اعلیٰ پرویز خٹک نے واضح کہا کہ اگر وفاق کی جانب سے چین پاکستان اقتصادی راہدرای کے حوالے سے تحفظات ختم نہیں کئے جاتے تو خیبرپختونخواہ حکومت صوبہ میں وفاق کو زمین کی فراہمی سے انکار کرتی ہے اور فوری طور پر ہزار ہ میں اس حوالے سے زمین کی فراہمی کے کام کو روکنے کے احکامات جاری کرتی ہے جس پر بعض سیاسی قائدین تشویش میں مبتلا ء ہو گئے اور وزیر اعلیٰ کے اس موقف کو انتہائی سخت قرار دے دیا، زرائع کے مطابق اس موقع پر مسلم لیگ(ق) کے مرکزی سینئر نائب صدر اجمل خان وزیر نے تجویز پیش کی کہ وزیر اعلیٰ خیبر پختونخواہ کا موقف اپنی جگہ درست ہے تاہم اس مرتبہ اس معاملہ پر عمل درآمد سے قبل اگر تمام جماعتوں کی کمیٹی وزیر اعظم پاکستان سے ملاقات کرلے اور اگر وزیر اعظم سے ملاقات میں بھی تحفظات برقرار رہتے ہیں تو پھر زمین کی فراہمی سے انکار پر عمل درآمد کیا جائے ، اجمل وزیر کی اس تجویز پر دیگر جماعتوں کے نمائندوں نے بھی حمایت کی اور وزیر اعلیٰ پرویز خٹک کو اس حوالے سے راضی کرلیا گیا، زرائع کا کہنا ہے کہ اگلے چنددنوں کے اندر جمعیت علمائے اسلام کے سربراہ مولانا فضل الرحمان، وزیر اعلیٰ پرویز خٹک، عوامی نیشنل پارٹی کے سربراہ اسفند یار خان، پشتونخواہ پارٹی کے سربراہ محمود خان اچکزئی، قومی وطن پارٹی کے سربراہ آفتاب احمد خان شیرپاؤ، مسلم لیگ (ق) کے سینئر نائب صدر اجمل خان وزیر اور پاکستان پیپلز پارٹی کے صوبائی صدر خانزادہ خان پر مشتمل کمیٹی وزیر اعظم پاکستان سے بھی اس ضمن میں ملاقات کرے گی ۔
متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.