یو ایس ایڈ اور ایچ ای سی کا امریکہ، پاکستان سینٹرز فارایڈوانسڈ اسٹڈیز پروگرام کے تحت طلبہ اوراساتذہ کے تبادلہ کا آغاز
جمعہ 8 جنوری 2016 20:43
اسلام آباد(اُردو پوائنٹ اخبارتازہ ترین - آن لائن۔08 جنوری۔2016ء) یو ایس ایڈ اور ایچ ای سی کی جانب سے امریکہ، پاکستان سینٹرز فارایڈوانسڈ اسٹڈیز پروگرام کے تحت طلبہ اوراساتذہ کے تبادلہ کا آغازکیا گیاہے ۔ تفصیلات کے مطابق امریکی ادارہ برائے بین الاقوامی ترقی(یو ایس ایڈ)اورہائیرایجوکیشن کمیشن آف پاکستان(ایچ ای سی)کے سینئرعہدیداروں نے نیشنل یونیورسٹی آف سائنسز اینڈ ٹیکنالوجی (نسٹ)میں تقریباًدودرجن طلبہ اوراساتذہ کے لئے ایک استقبالیہ کاانعقادکیا،جو ایریزونا اسٹیٹ یونیورسٹی میں ایک سیمسٹر کے لئے روانہ ہورہے ہیں۔
آئندہ چار برس کی مدت کے دوران نیشنل یونیورسٹی آف سائنسز اینڈ ٹیکنالوجی(نسٹ)اور یونیورسٹی آف انجینئرنگ اینڈ ٹیکنالوجی(یو ای ٹی)پشاور کے انرجی انجینئرنگ کی تعلیم حاصل کرنے والے تقریباً 200 طلبہ اور اساتذہ ایریزونا اسٹیٹ یونیورسٹی کی جدید ترین لیباٹریوں میں توانائی سے متعلق تحقیق کے لئے امریکہ میں ایک سیمسٹرگزاریں گے۔(جاری ہے)
اس تبادلہ کے تحت ہونے والے دوروں سے جن کا اہتمام یو ایس ایڈ کے فنڈ سے چلنے والے توانائی سے متعلق امریکہ، پاکستان سینٹرز فار ایڈوانسڈ اسٹڈیز(یو ایس پی سی اے سی۔
ای) کے تحت طے کیا گیا ہے، اساتذہ کوتدریس اورکارپوریٹ پارٹنرشپ کی جدید مہارتوں سے اپنے آپ کو ہم آہنگ کرنے اور طلبہ کوتحقیقی مہارتوں کو وسعت دینے اور صنعت سے متعلق جدید آگہی کے حصول کا موقع میسر آئے گا۔یو ایس ایڈ کی ڈپٹی مشن ڈائریکٹر کیتھی مور نے اس موقع پر کہا کہ امریکہ تعلیم اور معیشت کے شعبے میں پاکستان کی ترقی میں معاونت کے لئے پرعزم ہے اور توانائی سے متعلق امریکہ،پاکستان سینٹرز فار ایڈوانسڈ اسٹڈیز سے انرجی کے شعبے میں عملی تحقیق اور مہارت یافتہ گریجویٹس کی پاکستانی ضروریات کو پورا کرنے میں مدد ملے گی۔توانائی سے متعلق امریکہ، پاکستان سینٹرز فار ایڈوانسڈ اسٹڈیز(یو ایس پی سی اے سی۔ ای) نیشنل یونیورسٹی آف سائنسز اینڈ ٹیکنالوجی(نسٹ)، یونیورسٹی آف انجینئرنگ اینڈ ٹیکنالوجی(یو ای ٹی)پشاوراورایریزونا اسٹیٹ یونیورسٹی کا مشترکہ اقدام ہے،جس میں پاکستان کی توانائی کی ضروریات سے متعلق عملی تحقیق کے منصوبوں پر توجہ مرکوز کی گئی ہے۔ یہ شراکت کثیرالمقاصد ہے، جس میں نصاب کو جدید خطوط پر وضع کرنا، تحقیق، نئی لیبارٹریوں کا قیام اور تبادلہ پروگرام شامل ہیں۔بیان میں کہاگیاہے کہ توقع ہے کہ ہائیر ایجوکیشن کمیشن کے تحت نسٹ اور یو ای ٹی میں یہ مراکزدیرپا توانائی کے شعبے میں پاکستان کے سرکردہ تحقیقی مراکز بن کر ابھریں گے۔ توانائی سے متعلق امریکہ، پاکستان سینٹرز فار ایڈوانسڈ اسٹڈیز(یو ایس پی سی اے سی۔ ای) انجینئرنگ کے شعبے میں خواتین اورپسماندہ پس منظر کے نوجوانوں کو کامیابی میں معاونت کے لئے نئے معیارات طے کرنے کا ہدف بھی رکھتے ہیں۔توانائی سے متعلق امریکہ،پاکستان سینٹرز فار ایڈوانسڈ اسٹڈیز(یو ایس پی سی اے سی۔ ای)امریکہ،پاکستان سینٹرزفارایڈوانسڈاسٹڈیزپرکی جانے والی ۷۲۱ ملین ڈالر کی وسیع ترسرمایہ اری کا حصہ ہے، اس سرمایہ کاری کا مقصدپاکستان کے توانائی،پانی،زراعت اور غذائی سلامتی سے متعلق چیلنجوں کا جدیداورعملی حل تلاش کرنے کے لئے عملی تحقیق کو فروغ دیناہےمتعلقہ عنوان :
مزید قومی خبریں
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.