حکومتی طرز عمل کے باعث کاریڈور منصوبے نے چائنہ پنجاب پراجیکٹ کی شکل اختیار کر لی ہے ، حاجی محمد عدیل
منصوبے کا مستقبل ابتدائی نقشہ جات پر عمل اور صوبوں کے اطمینان سے مشروط ہے، رہنماء اے این پی
منگل 5 جنوری 2016 18:58
پشاور(اُردو پوائنٹ اخبارتازہ ترین - این این آئی۔05 جنوری۔2016ء) عوامی نیشنل پارٹی کے مرکزی رہنما حاجی محمد عدیل نے کہا ہے کہ کاریڈور کے بارے میں حکومتی طرز عمل سے ثابت یہ ہو رہا ہے کہ جیسے حکمرانوں کو ان لوازمات اور ضروریات کا سرے سے احساس ہی نہیں ہے جنہیں منصوبے کا حصہ بنانا چاہئے ، اپنے ایک بیان میں انہوں نے کہا ہے کہ وفاقی حکومت کا ایجنڈہ کچھ اور نظر آ رہا ہے اگر اس نے مغربی روٹ کو واقعتاً بنانا ہوتا تو منصوبے کے ابتدائی نقشوں میں شامل تمام لوازمات اس میں شامل کرائے جاتے جن میں ریلوے ٹریکس انڈسٹریل زونز اور متعدد دیگر سہویات شامل ہیں ،انہوں نے کہا کہ صوبے کے بعض وہ علاقے بھی نظر انداز کئے جا رہے ہیں جن کو شامل کرنا حکومت کی مجبوری ہے اور لگ یہ رہا ہے کہ بعض مجبوریاں ختم ہونے کے بعد ان علاقوں کو بھی پراجیکٹ میں سے باہر نکال دیا جائے گا جنہیں بوجوہ شامل کیا گیا ہے ،انہوں نے مزید کہا کہ محسوس یہ ہو رہا ہے جیسے کاریڈور نے عملاً چائنہ پنجاب کاریڈور کی شکل اختیار کی ہوئی ہے اور اسی طرز عمل کا نتیجہ ہے کہ مختلف سیاسی قوتوں کے علاوہ عوامی حلقوں کی جانب سے بھی اس منصوبے پرشدید تحفظات کا اظہار کیا جا رہا ہے اور اس پراجیکٹ کا مستقبل ایک سوالیہ نشان بن کر رہ گیا ہے ، انہوں نے کہا کہ احسن اقبال اس منصوبے کی ڈیلنگ کی صلاحیت سے محروم ہیں اور ان کے مبہم بیانات اور طرز عمل ہی کا نتیجہ ہے کہ خدشات اور اعتراضات وزیر اعظم، بعض دیگر کی وضاحتوں اور یقین دہانیوں کے باوجود ختم ہونے کی بجائے دن بدن بڑھتے جا رہے ہیں ، انہوں نے کہا کہ اس منصوبے کا مستقبل صوبوں کے مکمل اطمینان اور مغربی روٹ پر ابتدائی پلاننگ اور نقشہ جات پر عمل درآمد ہی سے مشروط ہے اور اگر حکومت نے اپنا رویہ تبدیل کر کے شکوک و شبہات ختم نہیں کئے تو حالات مزید پیچیدگیوں کا شکار ہو جائیں گے۔
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.