شریف برادران اور مرکزی حکومت کا خیبر پختونخواکے حقوق نظر اندازکرنا قابل مذمت ہے،سنئیرصوبائی وزیر عنایت اﷲ
پیر 4 جنوری 2016 22:46
پشاور(اُردو پوائنٹ اخبارتازہ ترین - آن لائن۔04 جنوری۔2016ء) خیبر پختونخوا کے سینئر وزیر اور جماعت اسلامی کے پارلیمانی لیڈر عنایت اﷲ خان نے اس بات پر افسوس کا اظہار کیا ہے کہ نوازشریف وزارت عظمیٰ کی بجائے لاہور کے میئرکاکردار اداکر رہے ہیں جبکہ دیگر صوبوں باالخصوص خیبر پختونخواکے حقوق کو مسلسل نظر اندازکر رہے ہیں جو قابل مذمت بات ہے انہوں نے مرکزی حکومت سے پرزور مطالبہ کیاکہ پاک چین اقتصادی راہداری کو اصل شکل میں بحال کریں بصورت دیگر ہم متحدہ طور پر اسے صوبے سے گزرنے نہیں دیں گے انہوں نے واضح کیاکہ منصوبے کا اصل روٹ چترال سے شروع ہو کر نوشہرہ کے راستے گوادر تک جاتا ہے اور اس پر تمام سہولیات کے ساتھ یہیں سے عمل درآمد ہوناہی اس کی کامیابی کا ضامن ہو سکتا ہے وہ دولت پورہ چارسدہ میں بڑے شمولیتی جلسے سے خطاب کر رہے تھے جس سے صوبائی وزیر خزانہ مظفر سید ایڈوکیٹ،جماعت اسلامی کے صوبائی امیر مشتاق احمد خان، ضلعی امیر مصباح اﷲ ،سابق ایم پی اے ارشد خان اور سابق ضلعی امیر محمد ریاض خان نے بھی خطاب کیا اس موقع پر سابق ناظم یو سی دولت پورہ ارشاد افضل نے اپنے سینکڑوں کارکنوں کے ہمراہ جماعت اسلامی میں شمولیت کا اعلان کیااور جماعت کی مرکزی اور صوبائی قیادت پر بھرپور اعتماد کا اظہار کیا جلسے سے خطاب میں عنایت اﷲ نے کہاکہ وزیر اعظم نواز شریف نے ژوب میں مولانا فضل الرحمان،محمود خان اچکزئی،میاں افتخار حسین اور دیگر سیاسی جماعتوں کے لیڈروں کے ہمراہ مبینہ طور پر اکنامک کوریڈور کی چھ لین شاہراہ کا افتتاح کیا تھا مگر وہ محض عوام کی آنکھوں میں دھول جھونکنے کیلئے دھوکہ اور ڈھونگ تھاکیونکہ یہ دراصل کوریڈور نہیں تھاکوریڈورصرف سڑک کا نام نہیں ہوتا بلکہ اس میں گیس،بجلی،ریلوے لائن،ایل این جی لائن اور صنعتی زون کا شامل ہونا بھی ضروری ہوتا ہے ا نہوں نے کہا کہ جماعت اسلامی ایک مکمل نظریاتی اور جمہوری جماعت ہے یہ کسی خان یا وڈیرے کی جاگیر نہیں اور نہ ہی ہم موروثی سیاست کے قائل ہیں ہم اقتدار میں آ کر ملک میں امن و امان،عدل و انصاف اور معاشی خوشحالی کا بول بالا کریں گے ہم عوام کو خدمت کے جذبے سے سرشار مخلص قیادت مہیاکریں گے انہوں نے کہاکہ چارسدہ میں جماعت اسلامی کی مقبولیت میں روزبروزاضافہ ہو رہا ہے اور جلد چارسدہ میں دیر کی طرح جماعت اسلامی ایک بڑی سیاسی قوت بنکر ابھرے گی اس موقع پر انہوں نے چارسدہ کی تعمیر وترقی اوربلدیاتی نمائندوں کو فنڈز و اختیارات کی منتقلی کے حوالے سے کئی اقدامات کاذکر بھی کیا اور یقین دلایاکہ ہم عوامی نمائندوں کو مایوس نہیں کریں گے بلکہ انہیں خوشخبریاں دیں گے
متعلقہ عنوان :
مزید اہم خبریں
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
بھائی کے ہاتھوں قتل ہونے والی ماریہ کی ابتدائی میڈیکل رپورٹ منظر عام پر آگئی
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.