میرے پاس ایسے حقائق اور پروف موجود ہیں اگر منظر عام پر آگئے تو طوفان آسکتا ہے ، بزنس مین عقیل کریم ڈھیڈھی
،ایک ریسرچ رپورٹ پرایف آئی اے کی کارروائی متعاصبانہ ہے ،عدالت سے رجوع کرنا میرا حق ہے اس آ پشن کو میں استعمال کرونگا
پیر 4 جنوری 2016 22:32
کراچی (اُردو پوائنٹ اخبارتازہ ترین - این این آئی۔04 جنوری۔2016ء) اے کے ڈی گروپ کے چیئرمین عقیل کریم ڈھیڈھی نے کہا ہے کہ میرے پاس ایسے حقائق اور پروف موجود ہیں اگر منظر عام پر آگئے تو طوفان آسکتا ہے ،میرے خلاف جعلسازوں کا پورا ٹولا کام کررہا ہے،پاکستانی تاریخ میں کسی بھی رپورٹ پر کسی معزز شخص کو اٹھانا کہاں کا انصاف ہے ،ایک ریسرچ رپورٹ پرایف آئی اے کی کارروائی متعاصبانہ ہے ،عدالت سے رجوع کرنا میرا حق ہے اس آ پشن کو میں استعمال کرونگا۔
پیرکے روز کراچی پریس کلب میں پریس ہنگامی پریس کانفرنس کرتے ہوئے اے کے ڈی گروپ کے چیئرمین عقیل کریم ڈھیڈھی نے کہا کہ ریسرچ رپورٹ میں چالیس افراد کے نام درج ہیں انہیں کچھ نہیں کہا گیا لیکن ہمارے خلاف یک طرفہ کارروائی کی گئی ۔(جاری ہے)
انہوں نے کہا کہ فواد حسن فواد اپنے دوست جہانگیر صدیقی کے کہنے پر اسٹاک مارکیٹ کومتاثر کررہے ہیں جہانگیر صدیقی کے کہنے پر شاہد حیات بھی پاکستان کے سب سے بڑے بروکریج ہاوس کے خلاف پرسنل ہوگئے ہیں۔
انہوں نے کہا کہ ظفر گوندل اور دیگر کے خلاف ای او بی آئی کیس بنایا گیا ہے لیکن اس کیس میں کہیں اے کے ڈی سیکیورٹیز کا کوئی کردار نہیں،اے کے ڈی سیکیورٹیز کے افسران کو حساس ادارے کے اہلکار ظاہر کرکے حراسست میں لیا گیاایف آئی آر سے لے کر ہر عمل کے دوران جھوٹ کا سہارا لیا گیالاہور سے تعلق رکھنے والے شخص جو ہیراپھیری میں براہ راست ملوث ہے اسے ہاتھ تک نہیں لگایا گیاحکومت فیصلہ کرلے کے اگر اسٹاک مارکیٹ کو بچانا ہے تو جہانگیر صدیقی کے چیلوں جن میں شاہد حیات بھی شامل ہیں انہیں ہٹایا جائے۔انہوں نے کاکہا کہ خرم شہزاد کو جو اس رپورٹ کے مطابق ملوث ہیں انہیں محفوظ رکھا جا رہا ہے کوئی ایک شخص ثابت کردے کہ میرے خلاف جرم ثابت ہو تو میں اس کی سزا کیلئے تیار ہوں ۔انہوں نے مزید کہا کہ ایک میڈیا ہاوئس نے میرے خلاف جھوٹ کا پلندہ کھولا ہوا ہے ممبران کے پروٹیکشن فنڈ کو بعض لوگ ہتھیانا چاہتے ہیں، میں نے ان کے خلاف آواز اٹھائی30 ارب روپے کا فراڈ ہوا اس کی خبر نشر ہونے سے روکی گئی 99 فیصد رپورٹس تحقیق پر بنتی ہیں ایسے حقائق اور پروف موجود ہیں اگر منظر عام پر آگئے تو طوفان آسکتا ہے۔انہوں نے مزید کہا کہ میرا قصور یہ ہے کہ میں نے ایک نجی ٹی وی چینل جو آنے سے پہلے ہی بند ہوگیا ان کے لوگوں سے اظہار ہمدردی کی اس کی سزا مجھے دی جا رہی ہے میری کسی سے لڑائی نہیں، سچ بولتا ہوں اس لئے بات کڑوی لگتی ہے۔انہوں نے کہا کہ صرف ایک رپورٹ کو بنیاد بنا کر ایکویٹی مارکیٹ پر اتنا بڑا اقدام کرنا جرم کے ارتکاب کے مترادف ہے۔مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
لاہور ہائیکورٹ میں اسلام آباد کے چھ ججز کے خط کے حوالے سے جنرل ہائوس کا اجلاس
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.