پی سی بی کا یاسر شاہ کی معطلی کے خلاف آئی سی سی اپیل کرنے کا فیصلہ
پی سی بی کو موصول ہونے والی یاسر شاہ کی مفصل ڈوپ ٹیسٹ رپورٹ کے بعد ان پرعالمی کرکٹ کے دروازے 2 سال کے لئے بند ہونے کا خدشہ بھی پیدا ہوگیا
پیر 4 جنوری 2016 18:44
لاہور(اُردو پوائنٹ اخبارتازہ ترین - آن لائن۔04 جنوری۔2016ء) پاکستان کرکٹ بورڈ( پی سی بی) نے ڈوپ ٹیسٹ مثبت آنے پر یاسر شاہ کی معطلی کے خلاف اپیل کرنے کافیصلہ کرلیا ہے۔ تفصیلات کے مطابق پی سی بی حکام نے یاسر شاہ کے ڈوپ ٹیسٹ میں بی سیمپل نہ دینے اور معطلی کے خلاف اپیل کرنے کا فیصلہ آئی سی سی رپورٹ کی روشنی میں کیا ہے، پی سی بی کو موصول ہونے والی یاسر شاہ کی مفصل ڈوپ ٹیسٹ رپورٹ کے بعد ان پرعالمی کرکٹ کے دروازے 2 سال کے لئے بند ہونے کا خدشہ پیدا ہوگیا ہے ۔
پی سی بی حکام کے مطابق یاسر شاہ کے کیس میں جو معلومات چاہئیں تھیں وہ آئی سی سی نے فراہم کر دیں ہیں اور اب تمام چیزوں کا جائزہ لے کر مستقبل کا لائحہ عمل طے کیا جائے گا تاہم اس کیس میں بی سیمپل نہ دینے اور معطلی کے خلاف اپیل کرنے کا حتمی فیصلہ کر لیا گیا ہے۔(جاری ہے)
پی سی بی کے پاس اپیل کرنے کیلئے مزید سات دن باقی ہیں اور اس دوران تمام قانونی ماہرین سے مشاورت کے ساتھ کیس تیار کر کے آئی سی سی میں اپیل دائر کی جائے گی۔
یہاں یہ امر قابل ذکر ہے کہ اگر کسی کھلاڑی کا ڈوپ ٹیسٹ مثبت آ جائے تو اس کے بعد صرف دو آپشنز ہوتی ہیں جن میں سے ایک بی سیمپل کیلئے جانا ہے یعنی جس کھلاڑی کا ڈوپ ٹیسٹ مثبت آیا ہو اس کا ایک اور ٹیسٹ ہوتا ہے لیکن ایسا کرنے پر اگر نتائج مثبت ہوں تو کھلاڑی کو زیادہ سزا ملنے کے امکانات ہوتے ہیں۔ چونکہ یاسر شاہ کے ڈوپ ٹیسٹ میں مقدار کم ہے اس لئے پی سی بی نے اپیل کرنے کا فیصلہ کیا ہے تاکہ یاسر شاہ کو اگر سزا بھی ملے تو وہ کم دورانیے کی ہو اور وہ جلد از جلد قومی ٹیم کا حصہ بن سکیں۔ دوسری جانب پی سی بی کو موصول ہونے والی یاسر شاہ کی مفصل ڈوپ ٹیسٹ رپورٹ کے بعد ان پرعالمی کرکٹ کے دروازے 2 سال کے لئے بند ہونے کا خدشہ ہے جب کہ آئی سی سی نے پہلے ہی انہیں ڈوپ ٹیسٹ مثبت آنیپر کرکٹ کھیلنے سے روک دیا تھا۔متعلقہ عنوان :
مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.