میٹرو پولیٹن سٹی سے آخری دہشتگرد کے خاتمے تک کراچی آپریشن جاری رہے گا ‘چیئر مین نجکاری کمیشن

ہفتہ 2 جنوری 2016 13:23

اسلام آباد (اُردو پوائنٹ اخبارتازہ ترین - این این آئی۔02 جنوری۔2016ء) وزیر مملکت برائے نجکاری و چیئرمین نجکاری کمیشن محمد زبیر نے کہا ہے کہ میٹرو پولیٹن سٹی سے آخری دہشتگرد کے خاتمے تک کراچی آپریشن جاری رہے گا۔

(جاری ہے)

ایک انٹرویو میں انہوں نے کہا کہ کراچی میں آپریشن شروع ہونے کے بعد یہاں امن بحال ہوا ہے اور جرائم پیشہ عناصر کی کارروائیوں میں کمی ہوئی ہے۔ انہوں نے کہا کہ قانون نافذ کرنے والے اداروں کی قربانیاں رائیگاں نہیں جائیں گی اور کراچی کا امن ضرور بحال ہوگا۔ محمد زبیر نے کہا کہ کراچی آپریشن تمام سٹیک ہولڈرز سے مشاورت کے بعد شروع کیا گیا جو کہ کراچی کے بدترین حالات کے سبب شروع کیا گیا تھا۔