پاکستانی ہیکرز نے بھارتی ریاستی ضلع کی نیوز ویب سائٹ ہیک کرلی،بھارتی میڈیا کا دعویٰ

بدھ 30 دسمبر 2015 23:47

نئی دہلی/ آگرہ(اُردو پوائنٹ اخبارتازہ ترین - آئی این پی۔30دسمبر۔2015ء) بھارتی میڈیا نے دعویٰ کیا ہے کہ پاکستانی ہیکرز کے ایک گروپ نے ریاستی ضلع کی ایک نیوز ویب سائٹ ہیک کرلی۔

(جاری ہے)

بدھ کو بھارتی میڈیا کے مطابق ریاست اترپردیش کے ضلع کانسی رام نگر ضلع کی نیوز ویب سائٹ کو پاکستانی ہیکرز کے ایک گروپ نے ہیک کرکے اسکے ہوم پیج پر پاکستانی پرچم آویزاں کردیا اور پیغام چھوڑ اہے کہ سیکورٹی صرف ایک اشارہ ہے ،ہم ایک لشکر ہیں ،ہم بھول نہیں سکتے،ہم معاف نہیں کریں گے ۔ضلع کانسی رام نگر کے سپریٹنڈنٹ آف پولیس ہمانشو کمار کاکہنا ہے کہ یہ براہ راست قومی سلامتی کامعاملہ ہے ۔ واقعے کی تحقیقات کیلئے سائبر سیکورٹی سیل آگرہ کو شکایت بھیج دی گئی ہے ۔