اسلام آباد ٗبلدیاتی انتخابات میں ووٹ ڈالنے کیلئے اصل قومی شناختی کارڈ لازمی قرار

ووٹر8300 پرایس ایم ایس کرکے ووٹ اورپولنگ اسٹیشن کی تفصیلات حاصل کر سکتا ہے

اتوار 29 نومبر 2015 13:15

اسلام آباد(اُردو پوائنٹ اخبارتازہ ترین - این این آئی۔29 نومبر۔2015ء) اسلام آباد بلدیاتی انتخابات کیلئے الیکشن کمیشن کی جانب سے ووٹ ڈالنے کیلئے اصل قومی شناختی کارڈ لازمی قرار دیا گیا ہے۔اطلاعات کے مطابق الیکشن کمیشن نے اسلام آباد بلدیاتی انتخابات میں ووٹرزکیلئے ہدایت نامہ جاری کردیا جس کے تحت پاسپورٹ، ڈرائیونگ لائسنس اورنادرا کی رسید پرووٹ نہیں ڈالا جا سکے گا بلکہ ووٹ ڈالنے کے لیے اصل قومی شناختی کارڈ ساتھ لانا ضروری ہے تاہم زائد المیعاد شناختی کارڈ پرووٹ ڈالنے کی اجازت ہے۔

(جاری ہے)

دوسری جانب ووٹ ڈالنے کی تفصیلات کے لیے ووٹر8300 پراپنے ووٹ اورپولنگ اسٹیشن کی تفصیلات حاصل کر سکتا ہے جب کہ ووٹرگوگل میپ کے ذریعے پولنگ اسٹیشن کی معلومات اورپتہ معلوم کرسکتا ہے۔بلدیاتی انتخابات میں ہرووٹر6 ووٹ کاسٹ کرے گا جہاں چیئرمین، وائس چیئرمین کے لیے ہلکا سبز،جنرل کونسلر کے لیے سفید اورخواتین کونسلرکے لیے گلابی رنگ کا بیلٹ پیپرہوگا جب کہ مزدور،کسان کے لیے خاکی، نوجوان کونسلر کے لیے ہلکا سرمئی اورغیرمسلم کے لیے پیلے رنگ بیلٹ پیپر استعمال کیا جایے گا۔

متعلقہ عنوان :