اسلام آباد کے باشعور عوام عوامی تحریک کے نامزد امیدواروں کو کامیاب کروائیں گے،عمرریاض
جمعہ 27 نومبر 2015 22:42
اسلام آباد(اُردو پوائنٹ اخبارتازہ ترین - آئی این پی۔27 نومبر۔2015ء) پاکستان عوامی تحریک کے ڈپٹی سیکرٹری اطلاعات عمرریاض عباسی نے کہا ہے کہ اسلام آباد کے باشعور عوام عوامی تحریک کے نامزد اور حمایت یافتہ امیدواروں کو کامیاب کروا کے قاتل حکمرانوں کے نمائندوں کے خلاف فیصلہ دیں،نچلی سطح تک اختیارات کی منتقلی عوامی تحریک کے منشور کا اہم جز ہے،عوامی تحریک اختیارات کی مرکزیت کاخاتمہ کر کے ،عام آدمی کے مسائل ان کی دہلیز پر حل کرنا چاہتی ہے،35صوبوں کا قیام بھی ڈاکٹر طاہرالقادری کے منشور کاحصہ ہے،ان خیالات کااظہار انہوں نے گزشتہ روز کراچی کمپنی میں عوامی تحریک اور پیپلزپارٹی کے مشترکہ امیدوار کی کارنر میٹنگ سے خطاب کرتے ہوئے کیا۔
اس موقع پر مشترکہ امیدوار برائے چیئرمین سردارجہانگیر، عوامی تحریک کے ابراررضاایڈووکیٹ،عرفان طاہر،سفیان صابر،عثمان امین،نعمان کریم،عاطف محمود،ایازصابر اور دیگر بھی موجود تھے۔(جاری ہے)
عمرریاض عباسی نے کہا کہ انصاف کی فراہمی کے آرٹیکلز پر عملدرآمد نہیں ہورہا،انصاف،تعلیم،صحت،روزگار،سر چھپانے کے لئے چھت جیسی بنیادی سہولیات مہیا کرنا ریاست کی ذمہ داری ہے لیکن ہمارے حکمرانوں نے ریاست کو اپنے مفادات کی بھینٹ چڑھا دیا ہے،عوام کو بنیادی حقوق نہیں دئے گئے آئین پرعمل درآمد نہیں کیا گیا،حکمران آئین کے باغی ہیں۔
انہوں نے سانحہ ماڈل ٹاؤن کاذکر کرتے ہوئے کہا کہ ہم اپنے شہداء کو بھولے ہیں اور نہ ہی اس کا تصور کر سکتے ہیں۔ماڈل ٹاؤن میں ہمارے بچوں کا خون بہا جسے کسی صورت معاف نہیں کرینگے۔ شہداء کا خون اور یتیم ہونے والے بچوں کے آنسو رائیگاں نہیں جائیں گے۔ نیشنل ایکشن پلان کو ناکام بنانے والا یہی کرپٹ ٹولہ ہے جو دہشتگردی کو ختم کرنے کے حوالے سے بیانات جاری کر کے آنکھوں میں دھول جھونک رہا ہے۔انہوں نے کہا کہ انسانی حقوق کو پامال کرنے والے اور انصاف کا راستہ روکنے والے موجودہ حکمران سب سے بڑی دہشتگردہیں۔ انہوں نے کہا کہ آئندہ چند دنوں میں سانحہ ماڈل ٹاؤن کے حوالے سے اہم فیصلے ہونگے۔ عمرریاض عباسی نے مزید کہا کہ نااہل اور دہشتگردوں کی ہمدرد حکومتوں کی وجہ سے دہشتگردی کا خطرہ بدستور قائم ہے۔ انہوں مزار قائد کو دہشتگردی کے خطرے کے پیش نظر بند کرنے کی اطلاعات پر کہا کہ ان نااہل اور دہشتگردوں کے سرپرست حکمرانوں کی موجودگی میں کچھ بھی محفوظ نہیں ہے۔متعلقہ عنوان :
مزید اہم خبریں
-
مودی اور راہول گاندھی سے ان کی متنازع تقاریر پر جواب طلب
-
وفاقی وزیر احسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس،ناروال سپورٹس سٹی کے نامکمل کام جلد از جلد مکمل کرنے کی ہدایت
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.