وزیرمحنت راجہ اشفاق سرور کی زیرصدارت سکلز ڈویلپمنٹ سٹیرنگ کمیٹی کا اجلاس
عمر جمشید جمعرات 26 نومبر 2015 16:20
لاہور(اُردو پوائنٹ تازہ ترین ۔۔ آئی پی اے ۔۔26 نومبر۔2015ء)صوبائی وزیر محنت و انسانی وسائل راجہ اشفاق سرور نے کہا ہے کہ وزیراعلیٰ محمد شہبازشریف کی ہدایات کی روشنی میں پنجاب گروتھ سٹریٹجی 2018ء کے تحت صوبہ بھر کے نوجوانوں کو سکل ٹریننگ کی فراہمی کے ذریعے معاشی ترقی ، صنعتی پیداوار اور روزگار کے مواقع بڑھانے کیلئے 6ماہ پر محیط شارٹ ٹرم سکلزٹریننگ پلان کو حتمی شکل دے دی گئی ہے۔
تمام محکمے سکلز ڈویلپمنٹ کے حوالے سے رابطے مربوط بنائیں اور قابل عمل پلان جلدازجلد محکمہ پلاننگ اینڈ ڈویلپمنٹ میں جمع کروائیں۔انہوں نے یہ بات سکلز ڈویلپمنٹ کیلئے وزیراعلیٰ کی قائم کردہ سٹیئرنگ کمیٹی کے اعلیٰ سطح کے اجلاس کی صدارت کرتے ہوئے کہی۔ وزیرخزانہ ڈاکٹر عائشہ غوث پاشا، وزیر زکوٰة و عشر ملک ندیم کامران، چیئرمین پلاننگ اینڈ ڈویلپمنٹ جہانزیب خان، سابق چیئرمین عرفان الہٰی ، چیئرمین ٹیوٹا عرفان قیصر شیخ، سیکرٹری لیبر، سیکرٹری انڈسٹریز سمیت تمام متعلقہ اداروں کے اعلیٰ افسران نے اجلاس میں شرکت کی۔(جاری ہے)
جبکہ محکمہ سکولز ایجوکیشن اورپنجاب ووکیشنل ٹریننگ کونسل مشترکہ طور پر 7ہزار افراد کو مارچ 2016ء تک سرکاری سکولوں کی کمپیوٹر لیبز میں آئی ٹی سکلز بارے تربیت فراہم کریں گے۔
اسی طرح محکمہ لائیوسٹاک جون 2016ء تک مختلف دیہات کے 30ہزار افراد کو ویکسینیشن اور اینیمل انسیمینیشن بارے خصوصی تربیت کی فراہمی یقینی بنائے گا۔ اجلاس کو بتایاگیاکہ ٹیوٹا اور پی وی ٹی سی مارچ 2016ء تک مقامی صنعتکاروں اور تاجروں کے ساتھ نوجوانوں کی فنی تربیت اور روزگار کی فراہمی کیلئے 20ایم او یوز پرعملدرآمد جبکہ ٹیوٹا پنجاب ایکسپورٹ سیل کے ذریعے گلف ممالک میں ہنرمند افراد کو روزگار کی فراہمی یقینی بنانے کیلئے معروف بین الاقوامی کمپنیوں کے ساتھ رابطہ اور 3ایم او یو سائن کریں گے۔اسی طرح پراجیکٹ ایمپلیمنٹیشن یونٹ، ٹیوٹا، پی وی ٹی سی اور پنجاب سکلز ڈویلپمنٹ فنڈ کم ازکم 10پبلک انسٹی ٹیوٹس میں پائلٹ پرفارمنس بیسڈ فنڈنگ کریں گے۔ یہ پروگرام ستمبر2016ء تک مکمل کیا جائے گا جبکہ پراجیکٹ ایمپلیمنٹیشن یونٹ ایک خودمختار مانیٹرنگ سسٹم قائم کرے گا ۔ پنجاب ایکسپورٹ سیل غیرممالک میں ملازمت کے خواہش مند ہنرمند افراد اور گریجوایٹس کا ڈیٹا اوورسیز ایمپلائمنٹ آف پاکستان کیلئے تیارکرے گا جبکہ محکمہ پلاننگ اینڈ ڈویلپمنٹ پراجیکٹ ایمپلیمنٹیشن یونٹ انٹیرم کوارڈینیشن سیل کا قیام عمل میں لائے گا۔ اجلاس کو بتایاگیا کہ یہ سیل تمام متعلقہ سیکٹرز کو خصوصی تیکنیکی راہنمائی بھی فراہم کرے گا۔ اجلاس میں اپرنٹیس شپ کے تحت اس سال دسمبر تک 28ہزار جبکہ اگلے سال دسمبرتک 65ہزار سے زائد ملازمتیں اپرنٹیس شپ کی بنیادی پر فراہم کرنے کیلئے مختلف امور پر تبادلہ خیال بھی کیاگیا۔مزید اہم خبریں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.