مظفرگڑھ،غیر اخلاقی رقص کیس، خواجہ سراوٴں کی درخواست ضمانت دائر

وزیر اعلیٰ پنجاب بے گناہ خواجہ سراوٴں کی گرفتاری پر نوٹس لیں اور انہیں انصاف دلوائیں، شی میل ایسوسی ایشن

جمعرات 26 نومبر 2015 13:32

مظفرگڑھ (اُردو پوائنٹ اخبارتازہ ترین - آئی این پی۔26 نومبر۔2015ء) مظفرگڑھ میں غیر اخلاقی رقص کیس میں شی میل ایسوسی ایشن پاکستان نے علاقہ مجسٹریٹ کی عدالت میں خواجہ سراوٴں کی درخواست ضمانت دائر کر دی۔تھانہ صدر مظفر گڑھ میں گرفتار چار خواجہ سراوٴں اور ایک خاتون سمیت نو افراد کی درخواست ضمانت علاقہ مجسٹریٹ مظفرگڑھ کی عدالت میں دائر کر دی گئی ۔

(جاری ہے)

گرفتار افراد پر مراد آباد کے میلے میں غیر اخلاقی رقص کرنے کا الزام ہے۔سول جج مظفر گڑھ نے ایف آئی آر سے ایمپلی فائر ایکٹ کی نا قابل ضمانت دفعات خارج کر دی ۔ شی میل ایسوسی ایشن کی عہدیداروں نے بے گناہ خواجہ سراوٴں کی گرفتاری پر ڈی پی او مظفرگڑھ اویس ملک کے خلاف ضلع کچہری میں احتجاج کیا انہوں نے مطالبہ کیا کہ وزیر اعلیٰ پنجاب بے گناہ خواجہ سراوٴں کی گرفتاری پر نوٹس لیں اور انہیں انصاف دلوائیں۔