تیل اور گیس کی تلاش کی سرگرمیوں میں اضافے سے روزگار، ترقی و خوشحالی اور عوامی فلاح و بہبود کیلئے مواقع میسر آئیں گے
وزیر مملکت برائے پٹرولیم وقدرتی وسائل نواب جام کمال خان کی صحافیوں سے بات چیت
بدھ 25 نومبر 2015 22:50
اسلام آباد ۔ 25 نومبر (اُردو پوائنٹ اخبارتازہ ترین - اے پی پی۔25 نومبر۔2015ء) وزیر مملکت برائے پٹرولیم وقدرتی وسائل نواب جام کمال خان نے کہا ہے کہ تیل اور گیس کی تلاش کی سرگرمیوں میں اضافے سے روزگار، ترقی و خوشحالی سمیت عوام کی فلاح و بہبود کیلئے مواقع میسر آئیں گے۔ یہاں صحافیوں سے بات چیت کرتے ہوئے اُنہوں نے کہا کہ وفاقی حکومت وزیراعظم محمد نواز شریف کی سربراہی میں ملک و قوم کی ترقی وخوشحالی کیلئے دن رات کوششوں میں مصروف عمل ہے۔
انہوں نے کہا کہ زرغون گیس فیڈر کی کامیابی اور اس کو مکمل کرکے سسٹم میں لاکر کوئٹہ اور دیگرمضافاتی علاقوں میں حالیہ سردیوں میں گیس کی مسلسل فراہمی کو یقینی بنایاگیا ہے جو بلوچستان کے عوام کیلئے وفاقی حکومت کی طرف سے ایک تحفہ ہے۔(جاری ہے)
جام کمال خان نے کہا کہ بلوچستان کے عوام کا ایک اور دیرینہ مطالبہ مستونگ نئی گیس پائپ لائن کا منصوبہ تھا جسے عوامی حکومت نے پوراکر دیا ہے جس سے نہ صرف مستونگ کے لوگوں کو فائدہ ہوگا بلکہ قلات اور دیگر علاقوں میں گیس کے پریشر کا مسئلہ بھی حل ہوگیا ہے۔
انہوں نے کہا کہ وفاقی حکومت کے دیگر اہم اہداف میں گوادر سے ایل این جی گیس کی سپلائی کے منصوبے بھی شامل ہیں جن پر تیزی سے کام جاری ہے اور وہ بہت جلد پایہ تکمیل تک پہنچ جائیں گے۔ انہوں نے کہا کہ آغاز حقوق بلوچستان کے سلسلے میں مختلف علاقوں میں گیس سروے کرائے جا رہے ہیں۔ تاپی کے منصوبے سے علاقے میں گیس کی فراہمی کے ساتھ ساتھ انڈسٹریز کے بھی آنے سے بلوچستان میں ایک انقلاب آئے گا جس سے نوجوانوں کو روزگار بھی ملے گا اور دہشت گردی پر بھی قابو پانے میں مدد ملے گی۔ انہوں نے مزید کہا کہ موجودہ حکومت نے بلوچستان میں گیس کے دریافت کیلئے کام کرنے والے کمپنیوں کو سختی سے ہدایت کی ہے جس کے تحت بہت سے سروے شروع بھی کر دیئے گئے ہیں جن سے علاقے میں روزگار، علاقے کی ترقی و خوشحالی سمیت علاقے کی فلاح و بہبود کیلئے مواقع میسر آئیں گے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.