پی آئی اے کی کارکردگی اور نجکاری سے متعلق امور کا جائزہ لینے کیلئے سینیٹ کی خصوصی کمیٹی کا اجلاس،سینیٹر مشاہداللہ کنوینر منتخب
بدھ 25 نومبر 2015 14:23
اسلام آباد (اُردو پوائنٹ اخبارتازہ ترین - آئی این پی۔25 نومبر۔2015ء) پاکستان انٹرنیشنل ایئر لائن کی کارکردگی اور نجکاری سے متعلق امور کا جائزہ لینے کیلئے سینیٹ کی خصوصی کمیٹی کا اجلاس پارلیمنٹ ہاؤس اسلام آباد میں منعقد ہوا۔جس میں کمیٹی کے کنوینرکا انتخاب عمل میں لایا گیا۔سیکرٹری سینیٹ امجد پرویز ملک نے خصوصی کمیٹی کے انتخاب کے طریقہ کار کے متعلق کمیٹی کے اراکین کا آگاہ کیا ۔
انہوں نے متعلقہ قواعد کا بھی حوالہ دیا۔اراکین کی اکثریت نے سینیٹر مشاہداللہ کے نام پر اتفاق کرتے ہوئے انہیں اس خصوصی کمیٹی کا کنوینر منتخب کیا۔سینیٹر مشاہد اللہ نے اس موقع پر اپنے خیالات کا اظہار کرتے ہوئے کہا کہ پی آئی اے ایک اہم اثاثہ ہے اور یہ ایک انتہائی اہم ذمہ داری ہے جس میں ہم سب مل جل کر اپنا کردار اد ا کریں گے۔(جاری ہے)
انہوں نے کمیٹی کے تمام اراکین کا شکریہ اداکیا۔
اور اس عزم کا اظہار کیا کہ ایسی سفارشات مرتب کی جائیں گی جنکی بدولت معاملات بہتری کی جانب گامزن ہو سکیں۔سینیٹر چوہدری تنویر نے کہا کہ اس ادارے کی کارکردگی میں بہتری لانا انتہائی ضروری ہے۔سینیٹر جنرل(ر)عبدا لقیوم نے کہا کہ دانشمندی سے چیزوں کو دیکھنا ہو گا۔ پی آئی اے ایک اہم ادارہ ہے۔سینیٹر عثمان خان کاکڑ نے کہا کہ ادارہ بہت اہم ہے لیکن یہ ہر حکومت کیلئے بدنامی کا باعث بن رہا ہے۔انہوں نے کہا کہ پی آئی اے کی پرائیویٹائزیشن نہیں ہونی چاہئے۔کیونکہ یہ حکومت کی بے بسی کو ظاہر کرتا ہے۔سینیٹر سعید غنی نے کہا کہ اس سلسلے میں سنجیدگی کے ساتھ کام کرنے کی ضرورت ہے۔سینیٹر تاج آفریدی نے بھی سینیٹر مشاہد اللہ کو اس اہم کمیٹی کی ذمہ داری سنبھالنے پر مبارکباد دی اور کہا کہ تمام پہلوؤں کا جائزہ لینے کی ضرورت ہے اور اس سلسلے میں ذیادہ دیر نہ کی جائے۔سینیٹر مشاہد اللہ نے اس سلسلے میں سیکرٹری سینیٹ امجد پرویز ملک کا بھی شکریہ ادا کیا اور کہا کہ کمیٹی کا اجلاس جلد ہی طلب کیا جائے گا اور پی آئی اے سے تمام امور پر تفصیلی بریفنگ لی جائیگی۔مزید اہم خبریں
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
اسٹریمنگ سروس نیٹ فلکس کے ناظرین نصف بلین ہو گئے
-
مہنگائی کی شرح میں کمی کے باوجود 22 اشیائے ضروریہ مہنگی ہوگئیں
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.