اسپین کوپاکستان کی انرجی کی ضروریات کا احساس ہے، سفیرمسٹر کارلوس موریلز
راولپنڈی چیمبر آف کامرس اینڈ انڈسٹری کے دورے کے موقع پربات چیت
منگل 24 نومبر 2015 21:13
راولپنڈی(اُردو پوائنٹ اخبارتازہ ترین - این این آئی۔24 نومبر۔2015ء)اسپین کے سفیرمسٹر کارلوس موریلزنے کہا ہے کہ اسپین کوپاکستان کی انرجی کی ضروریات کا احساس ہے اور اس ضمن میں پاکستان کے ساتھ تعاون کو تیار ہے، متبادل توانائی کے ذریعوں کے منصوبوں خاص طور پر ونڈ انرجی میں پاکستان اسپین کے تجربات سے فائدہ اٹھا سکتا ہے۔انہوں نے ان خیالات کا اظہار راولپنڈی چیمبر آف کامرس اینڈ انڈسٹری کے دورے کے موقع پر صدر چیمبر میاں ہمایوں پرویز سے بات چیت کرتے ہوئے کیا۔
اس موقع پر سینئر نائب صدر ثاقب رفیق ، نائب صدر عاقل عبید، سابق صدر سید علی رضا سعید شاہ ،سابق سینئر نائب صدر راجہ عامر ، ممبر ایگزیکٹو کمیٹی منزہ رحیم اور چیئرپرسن ویمن انٹرپرینورز مہوش آفریدی اور دیگر ارکان چیمبر بھی موجود تھے ۔(جاری ہے)
معزز سفیر نے کہا کہ سیاحت ایک صنعت کی حیثیت اختیار کر گئی ہے ، اسپین جی ڈی پی کا گیارہ فی صد سیاحت سے حاصل کرتا ہے پاکستان کو بھی چاہیے کہ وہ سیاحت کو فروغ دے تا کہ کثیر زرمبادلہ حاصل کر سکے۔
انہوں نے کہا کہ پاکستان اور اسپین کی بزنس کمیونٹی کے درمیان ہمیشہ اچھے تعلقات رہے ہیں اور سپین ایگرو، انجینیئرنگ ، ٹیکسٹائل ، قیمتی پتھر، زیورات، چمڑا اور ماربل کے شعبوں میں سرمایاکاری میں گہری دلچسپی رکھتا ہے۔ گزشتہ سال پاکستان اور اسپین کے درمیان تجارتی حجم ایک ارب ڈالر تھا جس میں اس سال اضافہ دیکھنے میں آیا ہے۔ اسپین دنیا کی تیزی سے ترقی کرتی ہوئی میعشیت میں سے ایک ہے اور دنیا کے ملکوں میں سرمایا کاری کے حوالے سے اس کا نمبر 11 ہے ۔قبل ازیں چیمبرآ مد پر صدر آرسی سی آئی میاں ہمایوں پرویز نے سفیر کا خیر مقدم کیااور کہا کہ جمز اینڈ جیولری پاکستان کی تیزی سے ترقی کرتی ہوئی صنعت ہے سپین سٹونز کی فنشنگ اور کٹنگ کی ٹیکناوجی شیئر کرے تا کہ پاکستان اس صنعت میں ترقی کرسکے۔صدر چیمبر نے برآمدات کے فروغ کیلئے دونوں ممالک کی بزنس کمیونٹی کے درمیان براہ راست روابط کی اہمیت پر زور دیا۔ اس موقع پر سفیر کو چیمبر کی سرگرمیوں اور آئندہ کے پروگروموں کے حوالے سے ایک مختصر پریزنٹیشن بھی دکھائی گئی۔اسپین کے سفیر نے چیمبر کے صدر اور ممبران کا شکریہ ادا کیا اور دونوں ملکوں کے درمیان تجارتی وفود کے تبادلوں اور ایکسپو نمائشوں کے ذریعے کاروبار کے فروغ میں چیمبر کی کوششوں اور اقدامات کو سراہا۔مزید اہم خبریں
-
ٰآئی ایم ایف کے نئے پروگرام کیلئے اسٹاف لیول معاہدہ جولائی میں ہونے کا امکان ہے، محمد اورنگزیب
-
نان بائی ویلفیئرایسوسی ایشن نے روٹی، نان کے سرکاری نرخ کو چیلنج کردیا
-
جنرل ر قمر باجوہ نے نوازشریف کو باہر میں بھیجنے میں سہولتکاری کی تھی
-
8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی آئی
-
ایران کے صدر کی کراچی آمد،گورنر اور وزیراعلی سندھ نے پرتپاک استقبال کیا
-
ڈیجیٹل انسانی ترقی کے انڈکس میں پاکستان 193 ممالک میں 164 ویں نمبر پر آگیا
-
معیاری تعلیم کا فروغ ہماری حکومت کی اولین ترجیح ہے، بھرپور کوشش ہے کوئی بھی بچہ اسکول سے باہر نہ ہو ، وزیراعظم
-
معیاری تعلیم کا فروغ ہماری حکومت کی اولین ترجیح ہے،ہماری بھرپور کوشش ہے کہ کوئی بھی بچہ سکول سے باہر نہ ہو ، وزیراعظم محمد شہباز شریف کی برطانیہ کی معروف جامعات کے نمائندہ وفد سے گفتگو
-
اسٹیٹ بینک آف پاکستان کی جانب سے صارفین کے اعتماد کے اعشاریے جاری کر دیئے گئے
-
پی ٹی آئی نے ضمنی انتخاب کے چند گھنٹے بعد فارم 47 کا جاری ہونا حیرت انگیز قرار دے دیا
-
وزیرخارجہ اسحاق ڈارنے دائرکردہ درخواست میں بائیومیٹرک تصدیق کرادی
-
جب گندم کی قلت ہوگی تو پھر روٹی 16 کی بجائے 30 روپے سے اوپر جائے گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.