میو ہسپتال میں پیرا میڈیکس اور ہیلتھ سپورٹ سٹاف کااپنے مطالبات کے حق میں احتجاجی مظاہرہ
الائیڈ ہیلتھ پروفیشنل کونسل کا قیام اورلوکل گورنمنٹ کے پیرا میڈیکس کے تمام مسائل جلداز جلد حل کئے جائیں‘مظاہرین
منگل 24 نومبر 2015 19:54
لاہور (اُردو پوائنٹ اخبارتازہ ترین - این این آئی۔24 نومبر۔2015ء ) پنجاب پیرا میڈیکس الائنس ایند ہیلتھ سپورٹ سٹاف کے زیرِ اہتمام میو ہسپتال میں احتجاجی مظاہرہ/ریلی نکالی گئی۔ احتجاجی ریلی میں پنجاب پیرا میڈیکس الائنس اینڈ ہیلتھ سپورٹ سٹاف کے رہنماؤں ملک منیر احمد ، عاشق غوث ،تنویر احمد بھٹی،شعیب انور چوہدری، طلعت سجاد، عزیز جٹ، قاری ارشاد الرحمن، رانا تنویر، حافظ دلاور حسین، محمد بلال، رانا بشیر، صابر، شاہد روشن، باجی ناہید ، ملک وسیم ، ابرار شاہ ، افضال میر، میاں وحید سمیت میو ہسپتال و دیگر سرکاری ہسپتالوں کے پیرا میڈیکس اور ہیلتھ سپورٹ سٹاف نے بھی احتجاجی ریلی میں شرکت کی۔
احتجاجی ریلی کے شرکاء کا کہنا تھا کہ ہم حکومتِ پنجاب محکمہ صحت سے مطالبہ کرتے ہیں کہ عرصہ 65 سال سے یہ پیرامیڈیکس اور ہیلتھ سپورٹ سٹاف سب سے زیادہ پسے ہوئے طبقے میں شامل ہیں۔(جاری ہے)
عرصہ پانچ سال قبل وزیر اعلیٰ پنجاب میاں شہباز شریف نے پیرا میڈیکس اور ہیلتھ سپورٹ سٹاف کے معاملات کو دیکھتے ہوئے ان پر عمل درآمد کی یقین دہانی کروائی۔ مگر جو کہ کاغذی کاروائی کی حد تک محدود رہی۔
پیرا میڈیکس اور ہیلتھ سپورٹ سٹاف آج بھی اپنے جائز حقوق کے حصول کے لئے در بدر ہیں ۔ احتجاجی ریلی کے شرکاء کا کہنا تھا کہ ہم حکومتِ پنجاب سے مطالبہ کرتے ہیں کہ ہیلتھ سپورٹ سٹاف گریڈ 1 تا 4 اور مِسنگ کیٹیگری (درجہ چہارم) کا سروس سٹرکچر ، BOM، ایڈہاک، ڈیلی ویجز، کنٹریکٹ ، ورک چارج، پیرا میڈیکس اور ہیلتھ سپورٹ سٹاف کو حکومت کی مجوزہ ریگولرائزیشن پالیسی کے تحت ریگولر کیا جائے۔ ہیلتھ سپورٹ سٹاف گریڈ 5 تا 17 کا سروس سٹرکچر ، گریڈ 5تا17 کے پیرا میڈیکس اور ہیلتھ سپورٹ سٹاف کا رِسک الاؤنس ، پیرامیڈیکس گریڈ 5تا 17 کے سروس سٹرکچر پر مکمل عمل درآمد، ہیلتھ کیئر کمیشن ، ڈپلومہ ہولڈر ، الائیڈ ہیلتھ پروفیشنلز کو تنگ کرنا بند کرے۔سرکاری ہسپتالوں کی نج کاری بند کی جائے۔الائیڈ ہیلتھ پروفیشنل کونسل کا قیام اورلوکل گورنمنٹ کے پیرا میڈیکس کے تمام مسائل جلداز جلد حل کئے جائیں۔ اگر ہمارے مطالبات جلد از جلد حل نہ کئے گئے تو احتجاج کا دائرہ کار وسیع کر دیا جائے گا۔ پنجاب پیرا میڈیکس الائنس کا آئندہ احتجاج مورخہ 26-011-2015 کو جناح ہسپتال ، لاہور میں ہو گا۔مزید اہم خبریں
-
نوازشریف ملکی مفاد کی خاطرعمران خان سے بات چیت کیلئے تیار ہیں، رانا ثناء اللہ
-
بجلی چوری ، ایف آئی اے فیصل آباد زون کی بڑی کاروائیاں وفاقی وزیرداخلہ محسن رضا نقوی کی ہدایات پر بجلی چوری میں ملوث عناصر کیخلاف کریک ڈائون جاری
-
سپریم کورٹ کا کراچی میں رینجرز ہیڈ کوارٹرزسمیت تمام عمارتوں کے باہر سے رکاوٹیں ہٹانے کا حکم
-
پاکستان نے امریکی محکمہ خارجہ کی جاری کردہ انسانی حقوق سے متعلق رپورٹ مسترد کردی
-
"رینٹ اے پرائم منسٹر"
-
پی ٹی آئی کی تحریکوںملکی معیشت کو ناقابل تلافی نقصان پہنچا،شیری رحمان
-
سپریم کورٹ کا نسلہ ٹاور کی زمین بیچ کر الاٹیز کو معاوضہ ادا کرنے کا حکم
-
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.