دنیا بھر میں دہشت گردی کی بھرپور مذمت کرتے ہیں، داعش کا مسلمانوں سے اور اسلام سے کوئی تعلق نہیں،پیر سید شاہد حسین گردیزی
حکومت سے ملکر دہشت گردی اور انتہا پسندی کو ختم کرکے دم لیں گے،سیمینار سے خطاب
منگل 24 نومبر 2015 19:06
لاہور(اُردو پوائنٹ اخبارتازہ ترین - آن لائن۔24 نومبر۔2015ء) پاکستان سمیت دنیا بھر میں ہونی والی دہشت گردی کی بھرپور مذمت کرتے ہیں۔ داعش کا مسلمانوں سے اور اسلام سے کوئی تعلق نہیں۔ حکومت سے ملکر دہشت گردی اور انتہا پسندی کو ختم کرکے دم لیں گے۔ ان خیالات کا اظہار جامعہ حزب الاحناف لاہور میں عالمی جماعت اہلسنت کے زیر اہتمام ہونے والے اتحادامت سیمینار سے جماعت کے مرکزی سیکرٹری جنرل پیر سید شاہد حسین گردیزی نے خطاب کرتے ہوئے کیا۔
انہوں نے کہا کہ مخلوق خدا میں انتشار پھیلانے والے انسان نہیں شیطان ہیں۔ ہمیں داعش سمیت تمام دہشت گرد گروپوں کے خاتمے کیلئے پاکستان سمیت دنیا بھر کے حکمرانوں کو ملکر جدوجہد کرنی ہوگی۔ اسلام کا لبادہ اوڑھ کر دنیا بھر کے امن کو تباہ کرنے والے کسی بھی رعایت کے مستحق نہیں۔(جاری ہے)
دنیا کا کوئی بھی مذہب ایسے قتل وغارت کی اجازت نہیں دیتا۔ اسلام قومی اور بین الاقوامی معاملات میں امن ورواداری کا درس دیتا ہے۔
غیر ملکی نمائندوں سفارتکاروں کی جان کی حفاظت کرنا سنت نبوی صلی اللہ علیہ وآلہ وسلم ہے۔ اسلام غیر مسلم شہریوں کو نہ صرف ان کے جان ومال اور عزت وآبرو کے تحفظ کی ضمانت دیتا ہے بلکہ ان کی عبادت گاہوں کو بھی تحفظ فراہم کرتا ہے۔ قرآن پاک میں ایسی قتل وغارت کا کہیں ذکر نہیں۔ اسلام دنیا کے تمام مذاہب کی حفاظت کا درس دیتا ہے۔ اجلاس میں وزیر اعظم اور صدر پاکستان سے مطالبہ کیا گیا کہ دہشت گردی، فرقہ واریت اور انتہا پسندی کے ناسور کے خاتمے کے لئے فوراً دنیا بھر کے حکمرانوں کا اجلاس اسلام آباد میں بلایا جائے جس میں دنیا بھر کے تمام مذاہب پر مشتمل انٹرنیشنل (اتحاد امت )کونسل کا قیام عمل میں لایا جائے تاکہ دہشت گردی، فرقہ واریت اور انتہاء پسندی کے خاتمے کیلئے ملکر جدوجہد کی جاسکے جبکہ 27 نومبر بروز جمعہ کو ملک بھر میں عالمی جماعت اہلسنت کے زیر اہتمام یوم اتحاد امت منایا جائے گا جمعہ کے اجتماعات میں علماء اتحاد امت کے موضوع پر خطابات کریں گے اور امت کے اتحاد کے لئے خصوصی دعائیں کی جائیں گی۔ سیمینار کی صدارت جماعت کے مرکزی امیر پیر سید مصطفی اشرف رضوی نے کی۔ مولانا پیر محمد عامر چشتی، صاحبزادہ احمد شکیل صدیقی، مفتی غلام حسن، مولانا محمد اشرف، مفتی محبت علی رضوی، علامہ محمد آصف عطاری، مولانا مشتاق احمد، مولانا محمد طفیل نوری اور دیگر نے بھی خطاب کیامزید اہم خبریں
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.