ڈینیل کو واک آف فیم میں ستارے کے بڑے اعزاز سے نوازدیا گیا

ہفتہ 14 نومبر 2015 12:24

لندن (اُردو پوائنٹ اخبارتازہ ترین - این این آئی۔14 نومبر۔2015ء)ہالی ووڈ اداکار ڈینیل ریڈکلف کو ہالی ووڈ والک آف فیم میں ستارے سے نوازا گیا ہے۔خبروں کے مطابق ہولی وڈ کامیاب سیریز ”ہیری پوٹر“ میں ہیری کا مرکزی کردار ادا کرنے والے ڈینیل کو واک آف فیم میں ستارے کے بڑے اعزاز سے نوازا گیا۔

(جاری ہے)

ایک رپورٹ کے مطابق اداکار کا کہنا تھا کہ وہ خود کو بہت خوش قسمت سمجھتے ہیں اور اپنے والدین کے شکر گزار ہیں جو وہ اس تقریب میں ان کے لیے شامل ہوئے-اس موقع پر ڈینیل نے اپنے مداحوں کے ساتھ تصاویر لی اور انہیں آٹوگراف بھی دیئے-اداکار ڈینیل کو ہیری پوٹر سیریز کے ذریعے ہولی وڈ میں کامیابی ملی جس کے ساتھ ساتھ وہ ایک بہترین انسان بھی ہیں۔

ایک ویب سائٹ کے مطابق ڈینیل ریڈکلف اس اعزاز کے صحیح حقدار ہیں کیوں کہ وہ نہ صرف ہولی وڈ کے بہترین اداکار ہیں بلکہ ذاتی زندگی میں انہوں نے کافی مشکلات کا سامنا کیا ہے جس کے بعد بھی وہ اس مقام پر موجود ہیں۔ڈینیل کی بہت سی خصوصیات میں سے ایک ان کا اپنے ساتھی اداکاروں کے حق میں بات کرنا بھی ہے۔