ایران سے سالانہ 150ارب روپے کا پیٹرول اور ڈیزل پاکستان میں اسمگل ہونے کا انکشاف
وزارت پیٹرولیم نے چاروں صوبوں ،اوگرا اور ایف بی آر کوغیر قانونی اقدام میں ملوث افراد کیخلاف کارروائی کی ہدایت کر دی سمگل شدہ پیٹرولیم مصنوعات ملک کی مجموعی کھپت کا 20سے 25فیصد بنتی ہیں،معیشت کو بھاری نقصان ہو رہا ہے ‘نیب کا وزارت پیٹرولیم کو خط
جمعہ 13 نومبر 2015 22:51
لاہور ( اُردو پوائنٹ اخبارتازہ ترین - این این آئی۔13 نومبر۔2015ء) ایران سے سالانہ 150ارب روپے کا پیٹرول اور ڈیزل پاکستان میں اسمگل ہونے کا انکشاف ہوا ہے ، وزارت پیٹرولیم نے چاروں صوبوں ،اوگرا اور ایف بی آر کو اسمگلنگ کی روک تھام اور غیر قانونی فروخت میں ملوث افراد کے خلاف کارروائی کی ہدایت کر دی ۔ نجی ٹی وی نے ذرائع کے حوالے سے بتایا ہے کہ نیب کی جانب سے 4نومبر کو وازرت پیٹرولیم کو ایران سے پیٹرول اور ڈیزل کی اسمگلنگ رکوانے کے لئے خط لکھا گیا تھا جس کے بعد پٹرولیم مصنوعات کی اسمگلنگ اور غیر قانونی فروخت روکنے کے لئے وزارت پیٹرولیم حرکت میں آگئی ۔
اس حوالے سے وزارت پٹرولیم نے چیئرمین اوگرا ، چاروں صوبوں کے چیف سیکرٹریز اور ایف بی آر کو خط لکھا ہے جس میں کہا گیا ہے کہ ایران سے سالانہ 150ارب روپے کا پیٹرول اور ڈیزل اسمگل ہو رہا ہے جوکہ ملک کی مجموعی کھپت کا 20سے 25فیصد بنتا ہے ۔(جاری ہے)
اس غیر قانونی اقدام سے ملکی معیشت کو بھاری نقصان ہو رہا ہے جبکہ اس سے غیر قانونی سرگرمیوں میں ملوث عناصر کو بھی مدد ملتی ہے ۔ خط میں اوگرا ، چاروں صوبوں اور ایف بی آر کو ہدایت کی گئی ہے کہ پیٹرولیم اور ڈیزل کی اسمگلنگ اور غیر قانونی فروخت میں ملوث افراد کے خلاف کارروائی کی جائے ۔اس کے ساتھ وزارت پٹرولیم نے تمام اداروں سے ماہانہ عملدرآمد رپورٹ بھی طلب کر لی ۔
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.