پاکستان میں ترکی کے سفیر صادق بابر گرگن کی وزیراعلی خیبرپختونخوا سے ملاقات،صوبے میں ترکی کے تعاون سے جاری ترقیاتی منصوبوں پر تبادلہ خیال
صوبے میں توانائی کے بحران پر قابو پانے کیلئے قلیل اور طویل مدت کے منصوبوں کو ترجیح دی جا رہی ہے،پرویزخٹک
جمعہ 13 نومبر 2015 19:40
پشاور(اُردو پوائنٹ اخبارتازہ ترین - این این آئی۔13 نومبر۔2015ء) پاکستان میں ترکی کے سفیر صادق بابر گرگن نے وزیراعلیٰ سیکرٹریٹ پشاور میں خیبرپختونخوا کے وزیراعلیٰ پرویزخٹک سے ملاقات کی اور ان سے باہمی دلچسپی کے امور خصوصاً خیبرپختونخوا میں ترکی کے تعاون سے جاری ترقیاتی منصوبوں پر تبادلہ خیال کیا۔ سابق وفاقی وزیروسنیٹر سلیم سیف اﷲ خان اور سابق معاون خصوصی برائے وزیراعلیٰ ملک ریاض بھی اس موقع پر موجود تھے۔
ترک سفیر سے گفتگو کرتے ہوئے وزیراعلیٰ پرویز خٹک نے انہیں موجود ہ صوبائی حکومت کی انتظامی اور خدمات کے نظام میں اصلاحات اور مختلف شعبوں میں ترقی کے حوالے سے حکمت عملی کے بارے میں آگاہ کرتے ہوئے بتایا کہ صوبے میں توانائی کے بحران پر قابو پانے کے لئے قلیل اور طویل مدت کے منصوبوں کو ترجیح دی جا رہی ہے ۔(جاری ہے)
انہوں نے کہا کہ خدمات کے شعبوں کی توانائی ضروریات کو پورا کرنے کے لئے ایک منصوبے کے تحت صوبے کے تمام زرعی اور آبنوشی کے ٹیوب ویلوں اور سکولوں و ہسپتالوں کو سولر سسٹم پر منتقل کیا جا رہا ہے جس سے ان شعبوں میں بجلی کی عدم دستیابی سے خدمات کے نظام میں پیدا ہونے والا تعطل ختم ہو جائے گا۔
انہوں نے ترک سفیر سے سوات موٹر وے اور ہاؤسنگ کے دو بڑے منصوبوں کے پانی سے بجلی پیدا کرنے کے قابل عمل منصوبوں کا بھی ذکر کیا اور کہا کہ مقامی اور بیرونی سرمایہ کار ان منصوبوں کی تکمیل میں صوبائی حکومت کے ساتھ شراکت کی بنیاد پر دلچسپی لے رہے ہیں تا ہم انہوں نے کہا کہ صوبائی حکومت ان سرمایہ کاروں کی پیش کشوں پر غور کرے گی جو ان منصبوں کی جلد تکمیل کو ممکن بنا سکیں۔ انہوں نے کہا کہ صوبائی حکومت کی تمام پالیسیاں خدمات کے معیار اور تسلسل کی بنیاد پر حکومت پر عوام کا اعتماد بحال کرنے کیلئے بنائی جا رہی ہیں تا کہ ان خدمات کے حصول کے باعث عوام میں ٹیکسوں کی ذمہ داری کے ساتھ ادائیگی کا قومی جذبہ پیدا ہو سکے۔ ترکی کے سفیر صادق بابر نے ترکی اور خیبر پختونخوا حکومت کے درمیان خصوصاًقیمتی پتھروں، معدنیات، توانائی، تعلیم اور زراعت کے شعبوں میں دو طرفہ تعلقات کو مستحکم بنانے میں دلچسپی ظاہر کی۔ انہوں نے اس شعبوں میں ترکی کیلئے وفود کے تبادلے اور خیبر پختونخوا اور ترکی کے ایک جیسی ثقافت اور روایات کے حامل دو شہروں کو جڑواں شہر قرار دینے کی تجویز پیش کی۔متعلقہ عنوان :
مزید اہم خبریں
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.