انڈسٹریل اسٹیٹ حیات آباد کی شاہراہ پرعام ٹریفک کی آمدورفت سے ٹریفک نظام بری طرح درہم برہم ہوگیا ہے جس کی وجہ سے صنعتکاروں کو شدید مشکلات کا سامنا ہے،صدر غضنفر بلور
جمعہ 13 نومبر 2015 18:40
پشاور (اُردو پوائنٹ اخبارتازہ ترین - آن لائن۔13 نومبر۔2015ء)انڈسٹریلسٹ ایسوسی ایشن حیات آباد کے صدر اور خیبر پختونخوا چیمبر آف کامرس اینڈ انڈسٹری کے سابق صدر غضنفر بلور نے انڈسٹریل اسٹیٹ حیات آباد کی شاہراہ پرعام بسوں افغانستان جانیوالے ٹرکوں اورٹرالرز سمیت عام گاڑیوں اوردیگر ٹرانسپورٹ کے داخلے پر فوری پابندی عائد کرنے کا مطالبہ کیا ہے اور کہا ہے کہ انڈسٹریل اسٹیٹ حیات آباد کی شاہراہ پرعام ٹریفک کی آمدورفت سے ٹریفک نظام بری طرح درہم برہم ہوگیا ہے جس کی وجہ سے صنعتکاروں کو شدید مشکلات کا سامنا ہے ۔
ایک بیان میں انہوں نے کہا کہ کارخانو ں مارکیٹ سے ملحقہ جی ٹی روڈ پر کنٹینرز کی سکینگ کے لئے حکومت نے سکینرز لگائے ہیں جس کی وجہ سے تمام ٹریفک انڈسٹریل اسٹیٹ حیات آباد منتقل ہوچکی ہے اور اس صنعتی بستی میں ٹریفک کئی کئی گھنٹے جام رہتی ہے ۔(جاری ہے)
انہوں نے کہا کہ افغانستان جانیوالے ٹرکوں اور ٹرالرز سمیت عام بسوں اور گاڑیوں کی وجہ سے انڈسٹریل اسٹیٹ حیات آباد کے اندر کارخانوں تک آنیوالے مال کئی کئی گھنٹوں ٹریفک میں پھنسے رہتے ہیں جس سے جہاں ایک طرف صنعتی پروڈکشن متاثر ہوتی ہے وہاں صنعتکاروں اور کاروباری افراد کو شدید پریشانی کا سامنا کرنا پڑتا ہے ۔
انہوں نے کہا کہ ہر وقت ہیوی ٹریفک کی آمدورفت سے انڈسٹریل اسٹیٹ حیات آباد کی سڑک مکمل طور پر ٹوٹ پھوٹ کا شکار ہوگئی ہے جس سے صنعتکاروں کو آمدورفت میں دقت کا سامنا ہے ۔ غضنفر بلور نے کہا کہ حیات آباد فیز تھری میں فلائی اوور کی تعمیر میں سست روی سے ٹریفک کا نظام بری طرح متاثر ہو رہا ہے اور انڈسٹریل اسٹیٹ حیات آباد اور ملحقہ علاقے سے شہر آنے تک 2 سے 3گھنٹے لگتے ہیں ۔انہوں نے کہا کہ پشاور افغانستان اور وسطی ایشیائی ریاستوں کیلئے گولڈن گیٹ وی کی حیثیت رکھتا ہے اور یونیورسٹی روڈ کے ذریعے ہی بین الاقوامی ٹریولرز گزرتے ہیں تو اس بے ہنگم ٹریفک سے وہ کیا تاثر لیکر جاتے ہوں گے۔ انہوں نے کہا کہ جب وی آئی پی مومنٹ ہوتی ہے یا غیر ملکی سفارتکار یونیورسٹی روڈ سے گزرتے ہیں تو انہیں پروٹوکول دیا جاتا ہے جس کے باعث کئی کئی گھنٹے ٹریفک جام رہتی ہے ۔ انہوں نے صوبائی حکومت سے مطالبہ کیا کہ فوری طور پر انڈسٹریل اسٹیٹ حیات آباد میں غیر متعلقہ گاڑیوں کے داخلے پر پابندی عائد کی جائے اور بے ہنگم ٹریفک پر قابو پانے کے لئے عملی اقدامات اٹھانے سمیت حیات آباد فیز تھری فلائی اوور کو جلد مکمل کیا جائے ۔مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.