اساتذہ کے مسائل کا حل انہیں حقوق کی فراہمی اورمادر علمی کے وقار کی سربلندی ترجیحات میں شامل ہے ، گومل یونیورسٹی کے وائس چانسلر میجر جنرل (ر) حامد شفیق
جمعہ 13 نومبر 2015 17:04
ڈیرہ اسماعیل خان(اُردو پوائنٹ اخبارتازہ ترین - آئی این پی۔13 نومبر۔2015ء )گومل یونیورسٹی کے وائس چانسلر میجر جنرل (ر) حامد شفیق نے کہا ہے کہ اساتذہ کے مسائل کا حل، انہیں حقوق کی فراہمی اور اس مادر علمی کے وقار کی سربلندی انکی ترجیحات میں شامل ہے ، مالی بحران کے باوجود اس ادارہ کو بہتر انداز سے چلانے کے لیئے ٹیم ورک جاری ہے اور مستقبل کی بہتری کے متعدد منصوبے زیر غور ہیں ان خیالات کااظہار انہوں نے گومل یونیورسٹی اساتذہ کی نمائندہ تنظیم گومل یونیورسٹی اکیڈیمک سٹاف ایسوسی ایشن کی جنرل باڈی سے خطاب کے دوران کیا، تقریب سے گواسا کے صدر محمد شعیب گنگوہی، جنرل سیکریٹری ڈاکٹر اعجاز حسین نے بھی خطاب کیا، وائس چانسلر نے کہا کہ اساتذہ کسی بھی معاشرے کے معزز ترین افراد میں سے ایک ہوتے ہیں، ایک مثالی استاد ہی نئی نسل کے لیئے قابل تکریم ہوتا ہے لہذا اساتذہ کی یہ زمہ داری ہے کہ وہ اس پیغمبرانہ پیشہ کی عظمت کو کبھی فرامو ش نہ کریں اور اپنے کردار کامثالی نمونہ پیش کرتے ہوئے طلبہ کو مستقبل کا ایک قابل فخر مسلمان اور پاکستانی بنانے میں اپنا کردار ادا کریں، انہوں نے کہا کہ مالی بحران کے خاتمے کے لیئے عملی کوششوں کا آغاز کیا جا چکا ہے، اساتذہ نے اس مادر علمی کے معاملات چلانے میں میری ہر ممکن مدد کی ہے، ہم نے یونیورسٹی کے مالی بحران پر قابو پانے کے لیئے اسلام آباد میں گومل یونیورسٹی کے کیمپس کے قیام کا فیصلہ کیا ہے جو منظوری کے آخری مراحل میں ہے، انہوں نے کہا کہ میں نے ہمیشہ پشاور اور اسلام آباد میں یہ بات واضح طور پر کہی ہے کہ ایک بنگلہ میں قائم یونیورسٹی اور ایشیاء میں رقبہ کے لیئے سے وسیع و عریض گومل یونیورسٹی کا موازنہ کرنا اور ملازمین کی تعداد کا تناسب نکالنا زمینی حقائق کے منافی ہے، خدا کا شکر ہے کہ گورنر خیبرپختونخواہ سردار مہتاب احمد خان اور صوبائی حکومت نے متعدد امور پر ہمارا ساتھ دیا اور مجھے امید ہے کہ مستقبل میں بھی انکا تعاون ہمیں حاصل رے گا، انہوں نے کہا کہ ترقیوں کے منتظر اساتذہ کو ان کا حق دینے کے لیئے ہدایات جاری کردی گئی ہیں، چانسلر کی منظوری کے بعد جلد ہی سلیکشن بورڈز اور ترقیوں کا عمل شروع کردیا جائے گا اس ضمن میں معاملات آخری مراحل میں ہیں، انہوں نے کہاکہ تعلیمی شعبہ جات میں اساتذہ اور ملازمین کے بچوں کو تعلیم کی سہولت کی فراہمی ماضی کی پالیسی کے مطابق جاری رکھنے کا اعلان کیا جا چکا ہے،
مزید تعلیم کی خبریں
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.