اسرائیلی فوج کے فلسطینی ہسپتالوں پر چھاپے، زیرعلاج 8 زخمیوں کو گرفتار کرلیا
جمعہ 13 نومبر 2015 14:49
رام اللہ (اُردو پوائنٹ اخبارتازہ ترین - این این آئی۔13 نومبر۔2015ء) فلسطین میں انسانی حقوق تنظیموں نے کہا ہے کہ اسرائیلی فوج نے حالیہ ایام میں ہسپتالوں میں چھاپہ مار کارروائیوں کے دوران کم سے کم 8 افراد کو حراست میں لے لیا ہے۔ اطلاعات کے مطابق اسرائیل کے داخلی سلامتی کے بدنام زمانہ ادارے شاباک کے اہلکاروں نے ہسپتالوں پر چھاپوں کے دوران کینسر کے فلسطینی مریض کو بھی حراست میں لیا ہے اور اسے بھی دوران حراست ہولناک تشدد کا نشانہ بنایا گیا ہے۔
رام اللہ میں امور اسیران ومحررین باڈی کی جانب سے جاری بیان میں کہا گیا ہے کہ حراست میں لئے گئے نصف فلسطینی الرملہ ہسپتال سے اٹھائے گئے جن کی شناخت مصنع غنیمات، جلال شروانہ، ماھر الفروخ اور ایاد الجعبی کے ناموں سے کی گئی ہے جبکہ دوسرے فلسطینیوں کو بیت المقدس میں ھداسا عین کارم ہسپتال سے اغواء کیا گیا۔(جاری ہے)
ان کی شناخت محمد شلالدہ، حلوہ علیان، مقداد الحیح اور اسراء جعابیص کے ناموں سے کی گئی ہے۔
انسانی حقوق کی تنظیم نے ہسپتالوں سے زخمیوں کواغواء کرنے کے واقعات کو انسانی حقوق کی سنگین پامالی قرار دیا ہے۔ انسانی حقوق گروپ کاکہنا ہے کہ ہسپتالوں سے حراست میں لئے گئے شہریوں میں کئی افراد مختلف نوعیت کے امراض کا شکار ہیں۔ بیشتر شدید زخمی ہیں۔ گزشتہ روز عین کارم ہسپتال سے محمد شلالدہ نامی ایک نوجوان کو یرغمال بنانے کیلئے اسرائیلی فوج کے اہلکار بھیس بدل کر ہسپتال میں داخل ہوئے۔ انہوں نے نہ صرف شلالدہ کو یرغمال بنایا بلکہ گولیاں مار کر اس کی دیکھ بحال کرنیوالے ایک نوجوان کو شہید کردیا۔متعلقہ عنوان :
مزید بین الاقوامی خبریں
-
اسرائیل کا شام پرراکٹ حملہ،معمولی نقصان کی اطلاع
-
ساحل پرگم ہوجانے والی ہیرے کی انگوٹھی معجزانہ طور پر مل گئی
-
بھیڑوں میں آپس کی لڑائی روکنے کیلئے انوکھا طریقہ متعارف
-
چینی سائنسدانوں نے پھول سے خوبصورت ہیرا بنا لیا
-
چین، 41 ویں وائی فانگ بین الاقوامی پتنگ میلے کا آغاز، آسمان رنگین پتنگوں سے بھر گیا
-
امریکہ میں فائرنگ، 5 طلبا زخمی، ملزم فرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.