خطے کو ترقی دے کر بھی دہشت گردی کاخاتمہ کیا جا سکتا ہے، وزیراعظم کا دورہ تاجکستان انتہائی اہمیت کا حامل رہا،کاسا1000منصوبہ دونوں ممالک کے مضبوط تعلقات کا عکاس ہے
تاجکستان کے صدر امام علی رحمن کا ڈاکٹریٹ کی اعزازی ڈگری دیئے جانے کے حوالے سے اپنے اعزاز میں منعقدہ تقریب سے خطاب
جمعرات 12 نومبر 2015 23:15
اسلام آباد(اُردو پوائنٹ اخبارتازہ ترین - آئی این پی۔12 نومبر۔2015ء) تاجکستان کے صدر امام علی رحمن نے کہا ہے کہ دہشت گردی کا خاتمہ صرف فوجی حل ہی نہیں بلکہ خطے کو ترقی دے کر بھی کیا جا سکتا ہے، وزیراعظم نواز شریف کا دورہ تاجکستان انتہائی اہمیت کا حامل رہا،کاسا1000منصوبہ دونوں ممالک کے مضبوط تعلقات کا عکاس ہے۔ وہ جمعرات کو یہاں ایوان صدر میں ڈاکٹریٹ کی اعزازی ڈگری دیئے جانے کے حوالے سے اپنے اعزاز میں منعقدہ تقریب سے خطاب کررہے تھے ۔
تقریب میں صدر مملکت ممنون حسین نے تاجک صدر کو ڈاکٹریٹ کی اعزازی ڈگری دی ۔ اس موقع پر تاجک صدر امام علی رحمن نے تقریب سے خطاب کرتے ہوئے کہا کہ صدر مملکت کا ڈاکٹریٹ کی اعزازی ڈگری دینے پر شکریہ ادا کرتا ہوں، پاکستان آ کر بہت خوش ہوں اور مجھے یہاں بہت پیار اور عزت ملی۔(جاری ہے)
انہوں نے کہا کہ پاکستان اور تاجکستان کے درمیان انتہائی قریبی تعلقات ہیں، وزیراعظم نواز شریف کا دورہ تاجکستان انتہائی اہمیت کا حامل رہا۔
انہوں نے کہا کہ پاکستان سے تجارتی تعلقات میں اضافہ تاجکستان کی اہم ترجیح ہے،پاکستان اور تاجکستان کے درمیان تجارت میں فروغ حوصلہ افزاء ہے،دونوں ممالک کے درمیان بہت سے معاہدوں پر دستخط ہوئے ہیں ۔ تاجک صدر نے کہاکہ کاسا1000منصوبہ دونوں ممالک کے مضبوط تعلقات کا عکاس ہے،پاکستان ، افغانستان اور تاجکستان کے درمیان معاہدوں پر جلد عملدرآمد چاہتے ہیں۔ انہوں نے کہا کہ خطے میں دہشت گردی کا خاتمہ اسمگلنگ کی روک تھام وقت کی اہم ترین ضروریات ہیں ، خطے کو ترقی دے کر بھی دہشت گردی کا خاتمہ کیا جا سکتا ہے، دہشت گردی کا خاتمہ صرف صرف فوجی حل سے ہی ممکن نہیں ہے۔ انہوں نے کہا کہ ایشیاء ہمارا مشترکہ گھر ہے،امن اور خوشحالی میں سب کا مفاد ہے،خطے میں امن و خوشحالی کیلئے مربوط کوششوں کی ضرورت ہے۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.