مضبوط اورمستحکم پاکستان علاقائی امن و سا لمیت کے لئے ناگزیر ہے ، پاکستان کے ساتھ تعلقات کو وسعت دینے کے خواہاں ہیں ،، اراکین پارلیمان کے وفود کے تبادلوں کی ضرورت ہے،، تاجکستان کی پارلیمنٹ پارلیمانی سفارتکاری کا حصہ بننا چاہتی ہے، دہشت گردی اور انتہا پسندی کے خاتمے کیلئے پاکستان کی کوششیں قابل تعریف ہے
پاکستان تاجکستان کے ساتھ اپنے تعلقات کو انتہائی اہمیت دیتا ہے ،ایازصادق
جمعرات 12 نومبر 2015 20:33
اسلام آباد ( اُردو پوائنٹ اخبارتازہ ترین - آئی این پی۔12 نومبر۔2015ء ) تاجکستان کے صدر امام علی رحمن نے کہاہے کہ ان کاملک پاکستان کے ساتھ اپنے دوستانہ تعلقات کو بہت اہمیت دیتا ہے اور مزید مختلف شعبوں میں تعاون کو فروغ دیکر وسعت دینے کا خواہاں ہے ، تاجکستان کی پارلیمان پاکستان کے ساتھ پارلیمانی تعلقات کو فروغ دینے میں گہری دلچسپی رکھتی ہے اور پارلیمانی سفارتکاری کا حصہ بننا چاہتی ہے ، اراکین پارلیمان کے وفود کے تبادلوں کی ضرورت ہے ، دونوں ممالک کے اراکین پارلیمان دو طرفہ تعلقات کو مزید فروغ دینے اور دونوں اقوام کو قریب لانے میں اہم کردار ادا کرسکتے ہیں ، دونوں ممالک کی تجارتی برادری مسلسل رابطے میں ہے اور مختلف تجارتی معاہدے بھی تشکیل پا چکے ہیں۔
تاجکستان کے صدر نے دہشت گردی اور انتہا پسندی کے خاتمے کے لئے پاکستان کی جانب سے کی جانے والی کوششوں کو سراہا ۔(جاری ہے)
وہ جمعرات کو یہاں سپیکر قومی اسمبلی سردار ایاز صادق نے سے ملاقات میں گفتگو کررہے تھے ۔ ملاقات میں دونوں رہنماؤں کے درمیان دو طرفہ تعلقات، پارلیمانی اور معاشی امور پر تبادلہ خیال کیا گیا۔ا س موقع پر گفتگو کرتے ہوئے تاجکستان کے صدر کا کہنا تھا کہ ان کی حکومت پاکستان کے ساتھ اپنے دوستانہ تعلقات کو بہت اہمیت دیتی ہے اور مزید مختلف شعبوں میں تعاون کو فروغ دیکر وسعت دینے کی خواہاں ہے۔
انہوں نے کہا کہ تاجکستان کی پارلیمان پاکستان کے ساتھ پارلیمانی تعلقات کو فروغ دینے میں گہری دلچسپی رکھتی ہے اور پارلیمانی سفارتکاری کا حصہ بننا چاہتی ہے ۔ انہوں نے اراکین پارلیمان کے وفود کے تبادلوں کی ضرورت پر زور دیتے ہوئے کہا کہ دونوں ممالک کے اراکین پارلیمان دو طرفہ تعلقات کو مزید فروغ دینے اور دونوں اقوام کو قریب لانے میں اہم کردار ادا کرسکتے ہیں۔انہوں نے کہا کہ دونوں ممالک کی تجارتی برادری مسلسل رابطے میں ہے اور مختلف تجارتی معاہدے بھی تشکیل پا چکے ہیں۔تاجکستان کے صدر نے دہشت گردی اور انتہا پسندی کے خاتمے کے لئے پاکستان کی جانب سے کی جانے والی کوششوں کو سراہا اورسردار ایاز صادق کو دوبارہ سپیکر کے منصب پر فائز ہونے پر مبارک باد دی۔سپیکرسردار ایاز صادق نے کہا کہ دونوں برادر اسلامی ممالک مذہب، اخوت ، ثقافت اور تاریخ کے لازوال رشتوں میں بندھے ہوئے ہیں اور پاکستان تاجکستان کے ساتھ اپنے تعلقات کو انتہائی قدر کی نگاہ سے دیکھتا ہے ا ور پارلیمانی و معاشی تعلقات کو فروغ دیکر دو طرفہ تعلقات کو مزید مستحکم بنانا چاہتا ہے ۔ انہوں نے کہاکہ دونوں ممالک اہم علاقائی و عالمی امور پر یکساں موقف رکھتے ہیں اور تاجکستان نے ہمیشہ عالمی فورمز پر پاکستان کے موقف کی حمایت کی ہے۔سپیکر نے تاجک صدر سے اتفاق کرتے ہوئے کہا کہ پارلیمانی وفود کے تبادلوں سے دو طرفہ تعلقات کو مزید مستحکم بنانے اور ایک دوسرے کے تجربات سے مستفید ہونے کے مواقع حاصل ہونگے اور باہمی ہم آہنگی میں اضافہ ہوگا۔انہوں نے کہا کہ دونوں ممالک کے مابین کثیر الجہتی تعلقات کے فروغ کے لئے سیاسی اور تجارتی شعبوں میں سرگرمیاں اہم کردار ادا کرسکتی ہیں۔ انہوں نے تاجک صدر کو پاکستان کی قومی اسمبلی میں قائم پاک تاجک دوستی گروپ کی تشکیل سے بھی آگاہ کیا ۔انہوں نے دونوں ممالک کے مابین مختلف شعبوں میں تعلقات کو فروغ دینے کے لئے عوامی سطح پر رابطوں میں اضافے اورتجارتی ، ثقافتی اور ادبی وفود کے تبادلوں کی ضرورت پر زور دیا۔انہوں نے اپنے تاجک ہم منصب کو پارلیمانی وفد کے ہمراہ دورہ پاکستان کی دعوت دی۔مزید اہم خبریں
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
-
عالمی رہنماؤں کا اسرائیل اور ایران سے تحمل کا مطالبہ
-
قدرتی طور پر خطے کی صورت حال پر تشویش ہے‘ایرانی صدر کے استقبال کے منتظرہیں. پاکستان
-
اٹلی کے وزیر خارجہ انتونیو تاجانی کی ایران کے شہراصفہان پراسرائیلی حملے کی تصدیق
-
اسرائیل کے خلاف آپریشن نے ہماری اتھارٹی، ہمارے عوام کی فولاد جیسی قوت ارادی اور ہمارے اتحاد کو ظاہر کیا ہے .ایرانی صدر
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
-
6 سال بعد پہلی بارپاکستان میں 2023 کے دوران موبائل فون صارفین کی تعداد میں 37 لاکھ کی ریکارڈ کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.