پاکستان تحریک انصاف خیبر پختونخوا میں ڈھائی سال حکومت کرکے گورننس نہیں سیکھ پائی ٗ دانیال عزیز

جمعرات 12 نومبر 2015 18:39

اسلام آباد (اُردو پوائنٹ تازہ ترین ۔۔ آئی پی اے ۔۔12 نومبر۔2015ء) پاکستان مسلم لیگ (ن)کے رہنما دانیال عزیز نے کہا ہے کہ پاکستان تحریک انصاف خیبر پختونخوا میں ڈھائی سال حکومت کرکے گورننس نہیں سیکھ پائی ٗوہ لوگ کیا تبدیلی لا سکتے ہیں جو ابھی سیکھنے کے مراحل سے گزر رہے ہیں۔

(جاری ہے)

ایک بیان میں دانیال عزیز نے کہاکہ تحریک انصاف متوسط طبقے کی جماعت ہوتی تو ایک حلقے پر ایک ارب روبے خرچ نہ کرتی ٗاسٹیٹس کو کا بڑا حصہ تحریک انصاف میں ہے عمران کو اپنے آس پاس کے ٹھیکہ داروں اور جاگیرداروں سے پریشانی ھونی چاہیے انہوں نے کہاکہ عمران کے آزمائے ھوئے جاگیرداروں کو عوام ٹکرا چکی ہے۔